Lajme

Zyrtare: Besnik Bislimi nuk lejohet të hyjë në Serbi, kjo është arsyeja

Autori: Gazeta inFokus 16:28 | 27 October 2022

Dushan Janjiq organizator i konferencës në të cilën ka pasur të marrë pjesë zv.kryeministri Besnik Bislimi ka konfirmuar se numrit dy të Qeverisë së Kosovës i është dashur të kthehet prapa në Kosovë meqë autoritetet e Serbisë s’kanë garantuar për sigurinë e tij.

Janjiq ka konfirmuar se Bislimi edhe zyrtarisht ka anuluar pjesëmarrjen derisa ka shtuar se po përgatitin edhe një konferencë për media lidhur me këtë çështje.

Qeveria e Kosovës ka njoftuar dje se zv.kryeministri Bislimi do të udhëtojë drejt Beogradit për të marrë pjesë në organizimin e Forumit Për Marrëdhenie Etnike që drejtohet nga Dushan Janjiq.

-Advertisement-

“Zëvendëskryeministri i parë për Integrim Evropian, Zhvillim dhe Dialog i Republikës së Kosovës, Besnik Bislimi, merr pjesë në Beograd, ditën e enjte në konferencën e Forumit për Marrëdhënie Etnike, në tryezën e diskutimit “Dialogu Diplomatik”, me temë “Kosova dhe Perspektiva Evropiane e Rajonit”, me fillim nga ora 17:00.

Ditën e premte, do të jetë pjesëmarrës në një panel diskutimi, në kuadër të “Belgrade Security Conference”, me temë “Kosova dhe Serbia – Shmangia e rrugës pa dalje”, me fillim nga ora 18:15″, thuhej në njoftimin e Qeverisë së Kosovës.

Subscribe në YouTube: GAZETA INFOKUSI