Lajme

ZYRTARE: Avdullah Hoti kandidati i LDK-së për Kryeministër

Autori: Gazeta inFokus 13:09 | 16 May 2017

Ashtu edhe siç kishte raportuar portali Infokusi.com disa orë më parë, Kryesia e LDK-së edhe zyrtarisht ka marrë vendim që, ministri në detyrë i Financave, Avdullah Hoti të jetë kandidati për Kryeministër nga radhët e Lidhjes Demokratike të Kosovës.

Lajmi është bër i ditur nga vet lideri i kësaj partie Isa Mustafa, në një konferencë për media nga selia e LDK-së.

“Ne sot e kishim mbledhjen e kryesisë së Partisë. Biseduam edhe për kandidatin e partisë për kryeministër të vendit. Unë jam interesuar që të hap një proces që LDK-ja do të del me një kandidat tjetër për kryeministër të vendit. Kemi vlerësuar se ky nuk është një proces i thjeshtë. Dhe për këtë është vendosur që te kandidohet Abdullah Hoti për kryeministër”, tha kryetari i LDK-së, Isa Mustafa.

-Advertisement-

Ndërkohë që sa i përket koalicioneve parazgjedhorë kreu i LDK’së tha se partia e tij ka saktësuar disa parti tjera por që ende nuk kanë vendosur përfundimisht se cilat do të jenë partitë që LDK do të bëjë koalicion.

“Sa i përket koalicioneve, po punojmë, kemi saktësuar mjafte shume kushtet për disa partner, por nuk do te flas për ta derisa te mos i kemi marrëveshjet definitive”, tha Mustafa. Ai ka thënë se është i bindur se Hoti do të jetë fitues i zgjedhjeve karshi kandidateve tjerë

Edhe kandidati i LDK-së, Avdullah Hoti tha se: “Koalicioni i djathtë do të fitojë”, por pa treguar se kush janë pjesë e këtij koalicioni.

Ndryshe në garë për kandidat të kësaj partie për kryeministër kanë qenë, nënkryetari, Lutfi Haziri, dhe Avdullah Hoti, mbështetja e plotë i është dhënë tashmë këtij të fundit, i cili edhe njihet si bashkpunëtor shumë i afërt me liderin e kësaj partie Isa Mustafën./Infokusi.com

Subscribe në YouTube: GAZETA INFOKUSI