Nesër është 22 vjetori i masakrës së Reçakut, që do të mbetet një nga mizoritë më të rënda të kryera nga ushtria serbe në Kosovë.  Jetlir Zyberaj përmes një postimi ka shkruar se Komandanti i operacionit Goran Radosavljevic sot po ecën i lirë në Beograd.

Ai publikon fakte të ndryshme në lidhje me këtë masakër.

Postimi i plotë i Zyberaj:  

Nesër është 22 vjetori i masakrës së Reçakut, një nga mizoritë më të rënda të kryera nga ushtria dhe policia serbe në Kosovë.

Qeveria serbe ka qenë përgjegjëse për masakrën, për përpjekjen për të fshehur krimin, për të ndryshuar faktet dhe për të rishkruar historinë e Reçakut. Komandanti i operacionit Goran Radosavljevic sot po ecën i lirë në Beograd.

Ai asnjëherë nuk u mor në pyetje nga asnjë prokuror serb ose ndërkombëtar për krimet që ka bërë në Reçak dhe në vende të tjera në Kosovë. Sot ai është anëtar i SNS-it së Aleksander Vuçiqit dhe një ndihmës besnik i tij.

Ne sot përkujtojmë 45 viktimat e masakrës së Reçakut të kryer nga Serbia. Ne sot kujtojmë dhe nderojmë civilët e pafajshëm. Ne sot po ashtu bëjmë thirrje për drejtësi, ngase edhe sot, ata që kanë kryer këto krime kundër njerëzimit, ecin të lirë dhe nën kujdesin e presidentit të Serbisë dhe bashkëpunëtorëve të tijVrasja masive e 45 civilëve shqiptarë, që ndodhi në fshatin Reçak, në qëndër të Kosovës, më 15 janar 1999, u dëshmua nga ish ambasadori i Misionit të OSBE-së në Kosovë, z.Wiliam Walker. Denoncimet e vazhdueshme të diplomatit amerikan Walker se popullsia civile në Kosovë po vritej nga forcat serbe, i hapën rrugën bombardimeve të NATO-s në Serbi dhe njëherësh lirisë së Kosovës.

Pajtimi midis Kosovës dhe Serbisë është i mundur vetëm kur të vendoset drejtësia për krimet kundër njerëzimit të kryera gjatë luftës së fundit, pra duke sjell para gjykates Goran Radosavljevicin.Fotot më poshtë tregojnë ekzekutorët e shtetit serb të kësaj masakre që tronditi botën