Lajme

Zyba: S’jam i gatshëm me iu hakmarrë Haki Abazit, s’e konsideroj person me potencial

Autori: Gazeta inFokus 08:03 | 05 Maj 2023

Deputeti i Lëvizjes Vetëvendosje, Salih Zyba ka folur rreth incidentit që ndodhi disa ditë më parë në Kuvendin e Kosovës, ku ish-deputeti i VV-së, Haki Abazi pretendoi se kishte një orkestrim ndaj tij për t’ia zënë ulësen në parlament.

Zyba i VV-së madje ka konsideruar se nuk është i gatshëm për t’iu hakmarrë Haki Abazit dhe se nuk e konsideron person me potencial, shkruan Gazeta10.

“Jo plan por nuk është as qasje e imja, nëse unë kam qenë i gatshëm për me u sakrfiku e zvarritë për me ndal një proces të gabuar nga Qeveritë e kaluara, s’jam i gatshëm me u hakmarrë me Hakia, sepse se konsideroj person me potencial, e me kontribut po. Kontributin e tij s’po e kontestoj por, veç po t’i mohoj deklarimet e tij. Ta dëshmojë se është e pavërtetë.”, tha ai.

-Advertisement-

Deputeti i VV-së ka thënë se ballafaqimi me Haki Abazin nuk i bën nder as partisë se tij, duke thënë se ky ‘’doli bajraktari’’ i pakënaqësive në VV.

“A është argument gatishmëria ime me u ballafaqu me Haki Abazin. E është ta demantoj dhe mohoj, s është e vërtet, s’um bon nderë dhe s’jam në funksion të këtyre konflikteve. S’i bëj ndër as organizatës, e as grupit në Kuvend. Le ta dëshmojë ai se si e paska ndje një orkestrim, nga e morri këtë informatë? Atëherë ky qenka një magnet i të pakënaqurve a çka, e ky paska dal bajraktari a çka? Të pakënaqur ka me pasur gjithmonë, por në VV këta dy që i përmende ti kanë qëndru për shumë kohë e kanë dhënë kontribut.”, tha ai.

Zyba ka thënë se “nuk e ka për detyrë të disiplinoj persona që qenka aq të paprekshëm, të pa diskutueshëm”.