Lajme

Zv/ministri Kilaj thotë se Mustafa dhe ministrat e LDK-së dështuan në zhvillimin ekonomik

Autori: Gazeta inFokus 11:29 | 03 May 2017

Zëvendësministri i Financave, Isni Kilaj thotë se Qeveria drejtuar nga Isa Mustafa ka dështuar në krijimin e kushteve për zhvillim apo hapjen e vendeve të punës në sektorin privat.

Ai në një prononcim për ‘Indeksonline’, ka thënë se kryeministri Mustafa dhe ministrat Hoti e Bajrami po krekosën se kanë zhvillim të jashtëzakonshëm ekonomik në sektorin privat, por të dhënat zyrtare, sipas tij, flasin të kundërtën.

“Për katër vite në qeverisjen Thaçi janë punësuar 43941 ose për çdo vit i bie 10985 veta, ndërsa në qeverisjen Mustafa rritja vjetore është nga 52666 veta. Dhe kjo është numër shumë më i vogël. Ata nuk kanë më çka të krenohen. Përkundrazi ka pas ngecje”, ka thënë Kilaj.

Krejt këto ngecje, sipas tij, vijnë si rezultat i mosinvestimeve në sektorin privat dhe në kohën kur nuk ka investime nuk mund të hapen vende të reja të punës.

“Qeveria duhet të ndjekë politika të reja zhvillimore dhe jo politika tilla sikur jemi në vitet 1999-2000. Kjo Qeveri po përdor strategjinë e njëjtë zhvillimore për shtrim të asfaltit, në shpenzim kot të buxhetit dhe jo në investime kapitale ku do të hapeshin vende të reja të punës”, ka shtuar Kilaj.

Tutje, zyrtari i PDK-së thotë se për dy vite nuk ka pasur asnjë investim të madh dhe nuk është realizuar as termocentrali dhe nuk është ndërtuar asnjë hidrorcentral.
“Unë po e paraqes gjendjen reale ekonomike dhe të punësimit. Unë kam dëgjuar dhe po i përcjell në media krekosjet e zyrtarëve tanë qe flasin për zhvillim dhe rritje të punësimit. Por, dështimet janë evidente dhe ato duhet të pranohen”, ka shtuar Kilaj.

Kilaj, i cili është edhe anëtar i Këshillit të Përgjithshëm të PDK-së ka prezantuar edhe një dokument ku shihet numri i të punësuarve në kohën e Qeverisë Thaçi dhe Qeverisë aktuale Mustafa.

Edhe në të kaluarën zv-ministri Kilaj ka kritikuar ministrin Hoti për politikat zhvillimore dhe ka reaguar për punësime të militanteve të LDK-së në ATK dhe ministri të Financave.
/Indeksonline/

Etiketa:
Barazo faturën në Meridian Express dhe dhuro për fëmijët SOS Fshatrave

Të tjera

Fokusi

lajme