Zvicra ua heq me para qytetarëve të saj mërzinë e pandemisë, kjo është shuma që ndahet për secilin
Autori: Gazeta inFokus 22:09 | 25 January 2022
Një kupon (triskë) me vlerë ë 200 frangave – që mund të shpenzohet në të gjitha restorantet, baret, sallat e koncerteve, kinematë dhe klubet në gjithë Zvicrën.
Për të siguruar që të ketë më shumë gjallëri në restorante dhe salla koncertesh, çdo person në Zvicër duhet të marrë një kupon prej 200 frangash. Ky propozim, i bërë nga Andreas Kunz, kryeredaktor i gazetës “SonntagsZeitung” ka ngjallur diskutime mes ekspertëve dhe politikanëve.
Por çfarë kërkon konkretisht Kunz? Ai bën thirrje për një ndihmë financiare për të gjithë të rriturit në Zvicër, transmeton albinfo.ch. Kjo ndihmë, një kupon (triskë) me vlerë ë 200 frangave – që mund të shpenzohet në të gjitha restorantet, baret, sallat e koncerteve, kinematë dhe klubet në vend – synon të mbështesë nga njëra anë sektorin e “sëmurë” të gastronomisë dhe kulturës. Por, nga ana tjetër, ajo duhet të kontribuojë në rimëkëmbjen mendore të njerëzve, pasi, sipas Kunz, shumë prej tyre, gjatë pandemisë kanë humbur guximin për të qëndruar më mes njerëzve.
“Është nxitja financiare që shumë njerëzve thjesht u nevojitet pas një kohe kaq të gjatë për të gjetur rrugën e tyre të kthimit në jetë”, thotë Kunz. Ai, koston prej rreth 1.2 miliard CHF që do të kishte e gjithë kjo, e quan “të menaxhueshme”.
“Duhet të nxirren njerëzit nga gjendja e shokut”
Andreas Faller, këshilltar për çështjet e politikave shëndetësore, konfirmon se është e vërtetë që shumë njerëz kanë frikë të kthehen në jetën sociale, përcjell albinfo.ch. “Prandaj është absolutisht thelbësore që të mendohet se si mund të nxirren këta njerëz nga shoku i përjetuar dhe të kthehen në jetë.” Para së gjithash, shkenca duhet të heqë frikën e njerëzve nga Korona përmes komunikimit të bazuar në prova. “Deri më tani, skenari më i keq shpesh është paraqitur si fakt dhe njerëzit janë të shqetësuar nga ai”.
Në popullatë, kjo ka çuar në “dëm kolateral psikologjik dhe social”, thotë Faller. Në politikë dhe shoqëri, kjo sfidë është diskutuar shumë pak. “Ideja e një kuponi është prandaj mjaft interesante dhe masat në këtë kuptim do të duhej të diskutoheshin”. Për momentin ndoshta është ende shumë herët.
Zbritje çmimesh për ish klientët e rregullt
Për grupin e njerëzve që nuk rrezikojnë lehtë, një kupon i tillë është shumë i hershëm për momentin, thotë profesoresha e sociologjisë, Katja Rost. Këta njerëz që kanë qëndruar në shtëpi, kanë zhvilluar rutina të reja dhe janë mësuar me to, kanë nevojë për më shumë siguri se “nuk do të ndodhë asgjë”. Kjo siguri aktualisht mungon. “Në parim, megjithatë, stimujt si kuponët mund të jenë një mënyrë për ta sjellë kulturën përsëri më pranë njerëzve”.
Megjithatë, në vend se nga Qeveria Federale, stimujt duhet të vijnë nga vetë operatorët, thotë Rost, transmeton albinfo.ch. “Për shembull, vizitorët e mëparshëm, të rregullt të operave duhet të kenë zbritje në vizitën e ardhshme të operës. Po kjo mund të bëhej edhe në restorante, sauna, pishina apo qendra fitnesi”.
Tek njerëzit e politikës, ndërkaq, propozimi për kupon, nuk miratohet. “Është mashtrim të mendosh se një kupon zgjidh problemet në sektorin kulturor”, thotë deputetja e Gjelbër, Katharina Prelicz-Huber. Masat mbështetëse duhet të sigurohen aty ku është e nevojshme – për shembull për më të dobëtit financiarisht. “Normaliteti nuk kthehet me kupon, duhet kohë për këtë”, thotë Huber.
Ndërsa kolegia e saj nga partia Mite, Elisabeth Schneider-Schneiter, thotë: “Një kupon vetëm krijon padrejtësi të reja duke diskriminuar sektorët e tjerë”.
Deputeti i FDP-së, Marcel Dobler e përshkruan idenë e kuponit si “absurde”: “Sapo masat e koronës të shpallen të përfunduara dhe të mos ketë më kërkesë për certifikata, njerëzit do të dynden përsëri në restorante dhe institucione kulturore”, përcjell albinfo.ch. Përveç kësaj, pasiguria mbizotëruese nuk mund të luftohet me një kupon.
“Sigurisht që mund të bëhen gjëra më të mira me paratë”, thotë Dobler.
Të tjera
-
“Angazhim pas anëtarësimit për Kosovën”| Komiteti i KiE përmend çështjen e Asociacionit, ky është adresimi
Komiteti për Politikë dhe Demokraci i Këshillit të Evropës ka miratuar raport...
-
Liberalizimin e vizave e Këshillin i Evropës, Kurti i cilëson si suksese të qeverisjes së tij
Kryeministri i Kosovës, Albin Kurti e ka lavdëruar qeverisjen e tij për sukse...
-
Nesër Kosova dhe Mali i Zi nënshkruajnë marrëveshje për bashkëpunim ndërkufitar
Nesër nga ora 13:30 Kosova dhe Mali i zi do të nënshkruajnë marrëveshje për P...
-
Ky është polici i suspenduar në Gjakovë, dyshohet se kontrabandoi mallra me veturë private
Inspektorati Policor i Kosovës ka njoftuar sot se ka suspenduar një zyrtar po...
-
Hamza kritikon Kurtin: Qeveria e tij ende s’e preu asnjë shirit të investimeve kapitale
Kandidati për kryeministër nga radhët e Partisë Demokratike të Kosovës, Bedri...
-
PDK i kthen në Kryesi deputetët dhe kryetarët e komunave, vend të rëndësishëm i jep edhe aderimit më të ri
Partia Demokratike e Kosovës e ka marrë shumë seriozisht mobilizimin për zgje...
-
Nënkryetarja e PE-së: Sanksionimi vetëm i Kosovës në mosmarrëveshjen me Serbinë, sinjal kontradiktor nga KE-ja
Zgjedhjet evropiane të vitit 2024 do të përcaktojnë kursin për një sërë gjëra...
-
Lladrovci për Hamzën: Kandidaturë e kompletuar, gëzon respektin e përkrahjen edhe nga aleatët tanë historikë
Kryetari i komunës së Drenasit, Ramiz Lladrovci, ka postuar fjalimin që ai ka...
-
Frashër Krasniqi i shkon në tavolinë Mujës të VV’së: A po ju vjen marre që e pranuat “Zajednicën”, për KiE
Aktivisti i Partisë Socialdemokrate (PSD) Frashër Krasniqi, i ka shkuar në ta...
-
Abdixhiku e rikthen fjalimin në Kuvend – akuza Qeverisë për “tenderët sekretë”
Kryetari i Lidhjes Demokratike të Kosovës (LDK), ka folur në Kuvend të Kosovë...
-
Aksioni mbi kontrollin e transportuesve të udhëtarëve, shqiptohen dhjetëra gjoba – konfiskohen targa e vetura
Inspektorati i Kryeqytetit njofton se po vazhdon aksionin e kontrollit të tra...
-
Osmani me Speich diskutojnë mundësitë e bashkëpunimit Kosovë-Vatikan
Presidentja Vjosa Osmani ka takuar sot Delegatin Apostolik të Selisë së Shenj...