Lajme

Zvicra shkurton karantinën në pesë ditë për shkak të valës së omicron

Autori: Gazeta inFokus 18:55 | 12 January 2022

Zvicra do të përgjysmojë kohëzgjatjen e karantinës në pesë ditë për të ndihmuar ekonominë të përballet me valën pandemike të shkaktuar nga varianti omicron i koronavirusit, njoftoi qeveria zvicerane.

Autoritetet shëndetësore e miratuan të martën, në një kohë kur dhjetëra mijëra njerëz infektohen çdo ditë me këtë variant shumë ngjitës të virusit.

Zyrtarët kanë frikë se vala e pandemisë mund të mbingarkojë sistemin shëndetësor në një vend ku dy të tretat e popullsisë janë vaksinuar dy herë dhe 30 për qind kanë marrë një dozë përforcuese.

Qeveria propozoi gjithashtu që kufizimet në jetën publike, të cilat u shtrënguan muajin e kaluar dhe futja e vaksinimit të detyrueshëm, të zgjaten deri në fund të marsit, si në Austrinë fqinje.

“Situata epidemiologjike është kritike dhe e vështirë për t’u vlerësuar,” tha qeveria.

Qeveria pret një rritje të numrit të të shtruarve për shkak të numrit shumë të madh të të infektuarve, megjithëse varianti omicron duket të jetë më pak i rrezikshëm. 32,881 të infektuar rishtazi u konfirmuan sot.

Të tjera