Lajme

Zvicra kërkon punëtorë duke i pajisur me leje

Autori: Gazeta inFokus 07:55 | 01 October 2018

Ndërkohë që për pak ditë hapen aplikimet për lotarinë amerikane, një lajm i mirë vjen nga Zvicra, e cila ka marrë vendimin që të japë 1 mijë leje shtesë për punëtorët që vijnë nga jashtë vendeve të BE-së.

Ky vendim i autoriteteve zvicerane vjen si përgjigje pas kërkesave të kompanive dhe kantoneve për punësimin e punëtorëve të kualifikuar.Kështu që nga viti i ardhshëm 1000 punëtorë nga shtetet që s’janë pjesë e BE-së do të lejohen të punojnë në Zvicër.

Duke nisur nga 2019, firmat do të jenë në gjendje të rekrutojnë 8,500 punëtorë të huaj nga vende të tilla si Shtetet e Bashkuara, Kina dhe India.Ndërkohë, lejet shtesë prej 1,000 do t’u japin firmave, në të njëjtin numër të punëtorëve që nuk janë në BE, si më 2014, bën të ditur “Swissinfo.ch”.

-Advertisement-

Ky ishte viti kur te votuesit zviceranë kaloi një iniciativë duke bërë thirrje qeverisë për të kufizuar migracionin.Si përgjigje, autoritetet ulën numrin e lejeve të punës së “vendit të tretë” në 6.500.Firmat zvicerane tani janë gjithashtu të detyruara të provojnë se nuk ka punëtorë zviceranë në dispozicion për të mbushur pozicionet para se të punësojë një kandidat të huaj, shkruan albinfo.ch.Vitin e kaluar, Zürich, Gjenevë dhe Basel, tre kantone që tradicionalisht kanë një fuqi punëtore të madhe të huaj, bashkuan forcat për të nxitur qeverinë që të rrisë nivelet e lejeve.Udhëheqësit kantonalë argumentuan se mirëqenia ekonomike dhe reputacioni i Zvicrës si një qendër globale për biznes dhe hulumtim u dëmtua nga kufizimet.

Protestat e tyre duket se janë dëgjuar.Vitin e ardhshëm do të lëshohen 4.500 leje qëndrimi, plus 4.000 leje B me një kohëzgjatje pesëvjeçare. Numri i lejeve të qëndrimit afatshkurtër L, me kohëzgjatje prej tre deri në 12 muaj, do të shkurtohet me 500.Qeveria do të mbajë në shtesë rezerva prej 1,000 lejeve B dhe do t’i dorëzojë ato në kantone sipas kërkesës.

Subscribe në YouTube: GAZETA INFOKUSI