Rajoni dhe Bota

Zvicra autorizon përdorimin e Remdesivirit pa prova klinike

Autori: Gazeta inFokus 22:51 | 02 July 2020

Antivirali Remdesivir, ilaçi i parë që duket se është relativisht efikas në trajtimin e COVID-19, do të autorizohet në Zvicër për të trajtuar pacientët që vuajnë nga kjo sëmundje pa prova terapeutike, bëri me dije sot instituti zviceran “Swissmedic”.

“Swissmedic, Instituti zviceran për Produktet Terapeutike, ka vendosur të autorizojë përkohësisht vendosjen në treg të Remdesivirit”, njoftoi instituti në një deklaratë.

“Instituti e mori këtë vendim pas analizës së raportit përfitim/rrezik, teksa përgatitjet e shpërndara nën emrin tregtar “Veklury” mund të përdoren pa autorizim në spitalet zvicerane për trajtimin e pacientëve të prekur nga COVID-19. Jemi në pritje të vendimit përfundimtar nëse Remdesivir do të tregtohet apo jo”, thuhej tutje në deklaratë.

-Advertisement-

Përdorimi urgjent i këtij ilaçe në spitale është autorizuar nga SHBA dhe Japonia.

Evropa pritet ta legjitimojë përdorimin e tij së shpejti.

Subscribe në YouTube: GAZETA INFOKUSI

Të tjera

Fokusi

rajoni-dhe-bota