Lajme

Zv/ministri i Kurtit për Banjskën: Me pas mbetë në mëshirën e KFOR-it do ta negocionin se ku po mbetet kufiri me Serbinë, në Vushtrri, Mitrovicë, apo…

Autori: Gazeta inFokus 11:17 | 04 Tetor 2024

“Me pas mbetë në mëshirën e ndonjë komandanti të trupave të KFOR-it në rastin e Banjskës më 24 shtator 2023, mesiguri se kishim qenë duke negociuar se ku po e lëmë kufirin me Serbinë, në Vushtrri, Mitrovicë, apo diku tjetër”, këtë deklaratë e ka bërë mbrëmë zv/ministri i Pushtetit Lokal, Arbër Vokrri, në emisionin “Context” në ATV.

Sipas Vokrrit, ka qenë gjaku i policit Afrim Bunjaku, sakrifica dhe vetëmohimi i kolegëve të tij, sepse siç ka thënë ai, e jo i ushtarëve të NATO-s të pranishëm në ditën e aktit terrorit të udhëhequr nga Milan Radojçiq.

Pas këtyre deklaratave të Vokrrit, këtë të fundit e ka pyetur gazetari Lavdim Hamidi nëse është i vetëdijshëm se çka po flet, pasi që është zv/ministër i Qeverisë së Kosovës.“Jam shumë i vetëdijshëm.Unë jam tu folë për Banjskën për rastin e 24 shtatorit 2023”, është përgjigjur me bindje të plotë zv/ministri Vokrri.

-Advertisement-

Edhe moderatori i emisionit Leart Hoxha e pyet këtë të fundit se a po thotë se BE-ja dhe NATO-ja kanë bërë komplot kundër Kosovës në Banjskë?“S’po du me fole më terma absolut, por çka dua të them është se ashtu ka ndodhur në Banjskë”, ka pohuar Vokrri.