ZPS ndaj mbrojtjes së Thaçit: Deklaratat e Pallaskës, sipas çdo standardi me vetëdije ishin të rreme ose mashtruese
Autori: Gazeta inFokus 16:36 | 02 June 2023
Në kundërpërgjigjen e Zyrës së Prokurorit të Specializuar (ZPS) ndaj përgjigjes së mbrojtjes së Hashim Thaçit ndaj Prokurorisë për “Kërkesë për kujdes ndaj z. Dastid Pallaska”, thuhet se standardi i sjelljes me vetëdije të rreme ose mashtruese është përmbushur.
“Asnjë nga arsyet e paraqitura nga mbrojtja e Thaçit nuk e ndryshon faktin se z. Pallaska bëri deklarata publike që sipas çdo standardi objektiv, me vetëdije ishin të rreme dhe/ose mashtruese. Në këto rrethana, dhënia e një paralajmërimi është një masë e përshtatshme që Paneli duhet të marrë”, thuhet në këtë përgjigje.
Përgjigja e ZPS-së vjen pasi mbrojtësi i Thaçit, avokati Gregory Kehoe përmes një kërkese, ka akuzuar Zyrën e Prokurorit të Specializuar (ZPS), për manipulim me prova. Po ashtu, aty theksohet se komentet publike të Pallaskës për gjyqin ndaj UÇK-së, Raportin e Martyt janë në linjë me ato të mbrojtjes dhe se themeli qëndron në keqinterpretimet e ZPS-së për komentet e Dastid Pallaskës.
Paraprakisht, në fillim të kësaj kundër-përgjigjeje thuhet se Prokuroria i përgjigjet mbrojtjes së Thaçit për dy çështje, raporton “Betimi për Drejtësi”.
Dhe së dyti, sipas tyre artikulimi i pozicioneve të mbrojtjes në publik nuk e liron avokatin nga respektimi i nenit 13 (a) të Kodit të Sjelljes.
Tutje, thuhet se mbrojtja e Thaçit përderisa i bën një sfidë kontekstuale interpretimit të një citati, nuk e mohon saktësinë tekstuale të deklaratave që i atribuohen Pallaskës, por në vend të kësaj, mbrojtja e Thaçit pohon, ndër të tjera, se Prokuroria ‘ka dështuar të përmbush barrën e saj’ për të vërtetuar se komentet e Pallaskës ishin mashtruese qëllimisht ose me vetëdije.
“Megjithatë, Thaçi nuk ofron ndonjë test përkatës në mbështetje të këtij pohimi. Ai thjesht nuk pajtohet me parashtresat e Prokurorisë’’, thotë ZPS-ja në këtë parashtresë.
Tutje, thuhet se duke zbatuar standardin për komentet e Pallaskës të cituara në kërkesë, trupi gjykues ka të drejtë të konkludojë se komentet e tij ishin me vetëdije të rreme dhe/ose mashtruese, duke pasur parasysh ‘detyrimet e avokatit për sinqeritet, zell, dinjitet dhe integritet’.
“Avokati nuk duhet të jetë i lejohet të fshihet pas injorancës ose pohimeve të gjendjes së tij shpirtërore subjektive, për t’iu shmangur përgjegjësisë për komente nxitëse që mund të mashtrojnë publikun, të shpifin procedurat dhe të krijojnë një mjedis shtesë të polarizuar dhe armiqësor për ata që thirren për të dëshmuar”, thuhet në vazhdim.
Sipas ZPS-së, argumentet kundërshtuese të bëra publikisht duhet ende të jenë në përputhje me udhëzimet e Panelit. Ata thonë se respektimi i procesit gjyqësor përfshin të folurit për procedurat në mënyrë të saktë, të informuar dhe profesionale dhe shmangien e çdo komenti për çështjet që janë para Panelit për t’i përcaktuar.
“Për shembull, dhe në kundërshtim me parashtresat e mbrojtjes, besueshmëria e dëshmitarëve të mbrojtur dhe dokumenteve që janë pjesë e mocionit të tryezës së avokatëve të Prokurorisë janë të dyja ‘çështje të drejtpërdrejta’ që presin përcaktimin e Panelit. Komentet e z. Pallaska ishin paragjykuese për procedurat në vazhdim në kuptimin që ato paragjykojnë mirëkuptimin e publikut për gjykimin, gjë që sjell diskreditimin e DhSK-së”, thuhet në kundër-përgjigje.
Prokuroria thotë se kjo kërkesë bëhet për të ruajtur integritetin e proceseve, të cilat dëmtohen në mënyrë të pashmangshme kur proceset gjyqësore zhvillohen në shtyp përmes përdorimit të deklaratave të rreme dhe mashtruese.
“Ky është veçanërisht rasti kur procedurat kërkojnë seanca të caktuara me dyer të mbyllura për të garantuar mbrojtjen e dëshmitarëve, gjë që rrit nevojën për komente të përgjegjshme dhe të balancuara në intervistat publike, një detyrim që shtrihet për të gjitha palët”, thuhet tutje nga ZPS.
Si përfundim, sipas ZPS-së, komentet e Pallaskës mund të rrisin “klimën e përgjithshme të ndërhyrjes së dëshmitarëve dhe frikësimit të dëshmitarëve që mbizotëron në Kosovë, veçanërisht në procedurat penale kundër ish-pjesëtarëve të UÇK-së” – një çështje shqetësuese gjyqësore në këtë rast dhe procedura të tjera para DhSK-së dhe se ndërhyrja e duhur nga gjyqësori me anë të një kujdesi mund të shërbejë për të zbutur këto rreziqe të rritura.
Të tjera
-
Vasfije Krasniqi: Çdo ditë e kujtoj tmęrrin që më ndodhi nga forcat serbe
Vasfije Krasniqi Goodman është kthyer në një grua simbol dhe heroinë për shum...
-
Ngjarjet e datës 24 prill
UBT organizon Konferencën Ndërkombëtare “Building Sustainable IoT Ecosystems”...
-
Kurti flet për telefonatën me Macron, shpreson se Franca do ta mbështes anëtarësimin në KiE pa Asociacionin
Kryeministri i vendit Albin Kurti në një bisedë telefonike të zhvilluar me pr...
-
Dita e Turqve, Konjufca: Ky komunitet shtetin tonë e përjeton si të vetin
Kryetari i kuvendit, Glauk Konjufca, në organizimin për nder të Ditës Kombëta...
-
Kurti në Panairin e Hanoverit, e quan historike pjesëmarrjen e parë të Kosovës
Kryeministri i Kosovës, Albin Kurti, ka vizituar Panairin e Hanoverit “20...
-
Pasuria e Vjosa Osmanit – Baton Haxhiu: Ajo e Prindoni duan të ikim në Australi
Gazetari Baton Haxhiu teksa po diskutonte pasurinë e presidentes Osmani në Pr...
-
Gjuajtje me ąrmë zjąrri në Hajvali, policia jep detaje
Gjuajtje me armë zjarri janë raportuar të kenë ndodhur sot rreth orës 17:00 ...
-
Abdixhiku për raportin e DASH: Dëshmi e shqetësimeve të LDK-së
Kryetari i Lidhjes Demokratike të Kosovës, Lumir Abdixhiku raportin e Depart...
-
Kroacia mbështet hyrjen e Kosovës dhe Shqipërisë në BE
Kroacia mbështet hyrjen e Kosovës dhe Shqipërisë në Bashkimin Evropian. Kë...
-
Për fjalimin në KS të OKB “Nënat e Srebrenicës” e falënderojnë Osmanin: Do të mbahet mend
Organizata “Nënat e Srebrenicës” me bazë në Bosnje e ka falënderuar president...
-
Nagavci mirëpret vendimin për pezullimin nga puna të Xhevat Krasniqit
Ministrja e Arsimit, Arbërie Negavci, ka reaguar pasi profesori Xhevat Krasni...
-
Macron telefonon Kurtin, bën thirrje për zbatimin e marrëveshjeve ndërsa anëtarësimin në KiE e lidh me Asociacionin
Kryeministri i Kosovës, Albin Kurti ka pranuar një telefonatë nga Presidenti ...