ZPS kërkon një ditë për deklaratat përfundimtare në rastin e Salih Mustafës, kurse mbrojtësja e viktimave dy orë
Autori: Gazeta inFokus 10:56 | 24 August 2022
Përderisa Zyra e Prokurorit të Specializuar (ZPS) ka kërkuar një ditë për paraqitjen e deklaratës përmbyllëse në gjykimin ndaj Salih Mustafës, mbrojtësja e viktimave ka kërkuar dy orë.
Kështu është bërë e ditur në shkresat e publikuara në faqen zyrtare të Dhomave të Specializuara, raporton “Betimi për Drejtësi”.
Në shkresë të prokurorisë, thuhet se në bazë të paragrafëve 22 dhe 25 (d) dhe (f) të vendimit, zyra e ZPS-së parashtron se koha totale e parashikuar për deklaratën përfundimtare të saj është një ditë (pesë orë e gjysmë).
“Koha e nevojshme për të trajtuar çështjet përkatëse në lidhje me fajësinë e të akuzuarit dhe dënimin, do të zgjasë jo më shumë se katër orë e gjysmë, përkatësisht një orë. ZPS rezervon të drejtën e saj t’i përgjigjet çdo pike të bërë nga mbrojtja në deklaratën e saj përfundimtare”, thuhet nga ZPS.
Kurse, në shkresën e mbrojtëses së viktimave thuhet se e informon panelin se deklaratat përmbyllëse të bëra në emër të viktimave pjesëmarrëse nuk do të kalojnë dy orë dhe ndoshta mund të jenë më të shkurtra.
“Vlerësohet se përafërsisht gjysma e kohës do të shpenzohet për fajësinë ose pafajësinë e të akuzuarit dhe dënimin”, thuhet në këtë shkresë.
Sipas shkresës, mbrojtësja e viktimave vëren se do të bëhet një dallim i kujdesshëm midis rolit të viktimave pjesëmarrëse dhe ZPS-së.
“Si e tillë, do të vlerësohej nëse – pasi ZPS të ketë dhënë fjalët e saj përmbyllëse – Paneli mund të caktojë një pushim që i lejon mbrojtëses të viktimave të rregullojë draft-deklaratën e saj përfundimtare në mënyrë që të shmangë çdo përsëritje të panevojshme. Për këtë duhet të mjaftojnë përafërsisht 60 minuta. Gjysma tjetër e kohës së parashikuar do t’i kushtohet diskutimit të reparacioneve. Në lidhje me këtë, avokati i viktimave vëren se pa dashur të përsërisë argumentet e bëra në temën e dëmshpërblimeve në fazat e mëparshme të këtyre procedurave, deklaratat përfundimtare do të shërbejnë për t’i vendosur ato argumente në kontekstin e gjykimit në tërësi”, thuhet në shkresë.
Ndryshe, aktakuza ndaj Mustafës është konfirmuar më 12 qershor 2020.
“Aktakuza e konfirmuar përcakton se afërsisht midis 1 prillit 1999 dhe 19 prillit 1999, në një kompleks ndalimi në Zllash, Kosovë, u kryen krimet e ndalimit arbitrar, trajtimit mizor dhe të torturës kundër të paktën gjashtë personave. Gjithashtu, në aktakuzë thuhet se në një datë midis 19 prillit 1999, ose rreth kësaj date, dhe rreth fundit të prillit 1999, në atë vendndodhje u vra një i ndaluar”, ka njoftuar Gjykata Speciale përmes një komunikate.
Bëhet e ditur se në aktakuzën e konfirmuar, Salih Mustafa akuzohet në kuadër të formave të ndryshme të përgjegjësisë penale, për: ndalim arbitrar, trajtim mizor, torturë dhe vrasje të paligjshme si krime lufte të kryera në kontekstin e konfliktit të armatosur jo ndërkombëtar në Kosovë, ose në lidhje me atë konflikt.
Të tjera
-
Letra e evropianëve për Kurtin, Rama: Kosova ta bëjë pjesën e saj nga A në Zh, pa pyetur çka duhet të bëj Serbia
Letrën e para pak ditësh, ku Gjermania, Franca dhe Italia i thonë Kosovës që ...
-
Detajet e fundit nga helikopteri i rrëzuar i presidentit iranian – ka pasur kontakt me anëtarët e ekuipazhit
Është bërë kontakt me një pasagjer dhe një anëtar të ekuipazhit të helikopter...
-
Kush është Ebrahim Raisi, Presidenti i Iranit që u aksidentua me helikopter
Presidenti i Iranit, Ebrahim Raisi, i cili është zhdukur në malet e Iranit pa...
-
Njoftimi nga Uashingtoni për takimin Allen-Kurti, nënvizohet mbështetja e SHBA për dialogun me Serbinë
Departamenti Amerikan i Shtetit ka dhënë detaje për takimin e Nënsekretares p...
-
AAK po rritet në Gjermani, Haradinaj: Jemi bashkë në përkushtimin tonë për ta orientuar vendin drejt zhvillimit
Kryetari i Aleancës për Ardhmërinë e Kosovës (AAK), Ramush Haradinaj, ka thën...
-
Përleshen familjarët në Shtime – tre nga ta përfundojnë në Qendrën Emergjente të Ferizajt
Tre anëtarë të një familje në Shtime dërgohen në Emergjencë, dyshohet se u rr...
-
350 kandidatë i nënshtruan testit për pozitat e 24 prokurorëve të rinj të shtetit
Këshilli Prokurorial i Kosovës (KPK) organizoi mbajtjen e Testit Kualifikues,...
-
Ekipet e ASK-së do të vazhdojnë regjistrimin e qytetarëve në 11 komuna
Qytetarët e 11 komunave do të mund t’i shfrytëzojnë edhe pesë ditë që të regj...
-
Osmani nesër pret në takim ministren për Zhvillim Social dhe Familje të Katarit
Nesër, presidentja e Kosovës, Vjosa Osmani pret në takim ministren për Zhvill...
-
Raportohet se është gjetur helikopteri i rrëzuar në të cilin ishte Presidenti i Iranit
“The Guardian”, duke iu referuar raportimit të televizionit shtetëror të Iran...
-
Tahiri: Arratisja e Sekiraqës dështimi i radhës i drejtësisë, një arsye më shumë për zgjedhje
Shefi i Grupit Parlamentar të PDK-së, Abelard Tahiri ka thënë se sundimi i li...
-
Rrëzohet helikopteri i presidentit të Iranit, ai ishte brenda tij
Një helikopter që transportonte presidentin Ebrahim Raisi është dashur të bëj...