Lajme

Zogaj kujton masakrën në Burgun e Dubravës: Ata janë gjaku ynë që nuk falet

Autori: Gazeta inFokus 14:34 | 22 May 2017

Bislim Zogaj, përmes një statusi në rrjetin social Facebook, ka përkujtuar masakrën në Burgun e Dubravës.

Ai ka thënë se mizoritë e përjetuara të njerëzve tanë në këtë ngjarje makabre të luftës së fundit, kërkojnë shpagimin e tyre i cili mund të arrihet vetëm përmes bërjes realitet të porosisë së gjakut.

Zogaj ka thënë se të rënët e kësaj masakre sikurse edhe të rënët në shumë masakra tjera anëkënd Kosovës, ende godasin në ndërgjegjen tonë.

-Advertisement-

Ky është postimi i plotë i Zogajt në Facebook:

Përvjetori i Masakrës në Burgun e Dubraves nuk na përkujton vetëm dhëmbjet e pashuara për humbjet e mëdha njerëzore që populli ynë kaloj në periudha të ndryshme të historisë tonë, por edhe obligimin e madh që kemi për të realizuar, qëllimet e gjithë atyre sakrificave. Mizoritë e përjetuara të njerëzve tanë në këtë ngjarje makabre të luftës së fundit, kërkojnë shpagimin e tyre i cili mund të arrihet vetëm përmes bërjes realitet të porosisë së gjakut, që është rritja e dimensioneve të lirisë tonë nacionale duke ndërtuar dhe përparuar shtetin tonë. Të rënët e kësaj masakre sikurse edhe të rënët në shumë masakra tjera anëkënd Kosovës, ende godasin në ndërgjegjen tonë pasiqë në emër të tyre nuk është vendosur drejtësia meritore. Ata janë gjaku ynë që nuk falet, prandaj Institucionet e reja që do të krijohen pas zgjedhjeve të reja duhet që të kenë në fokus të angazhimeve të tyre vendosjen e kësaj drejtësie. LAVDI TË RËNËVE NË MASAKREN E DUBRAVES! LAVDI TË GJITHË TË RËNËVE PËR LIRINË E ATDHEUT!

Subscribe në YouTube: GAZETA INFOKUSI