Lajme

Zjarri rrezikon një lagje në Tepelenë, mbërrin helikopteri nga Tirana

Autori: Gazeta inFokus 09:54 | 10 July 2017

Një zjarr i marr po rrezikon seriozisht një lagje të Tepelenës.

Mësohet se bëhet fjalë për lagjen “15 Shtatori” ndërkohë mësohet se në orët e para të mëngjesit ka mbërritur një helikopter nga Tirana për të neutralizuar flakët e zjarrit.

Flakët e zjarrit të nisura mbrëmë rreth orës 21:30 në kodrën e qytetit të Tepelenës vijojnë të djegë disa hektar me pyje.

-Advertisement-

Zjarri ka vijuar gjatë gjithë natës dhe aktualisht raportohet se janë djegur rreth 3 hektar me pyje.

Në terren janë akoma shërbimet e Emergjencave Civile 20 forca ushtrie dhe zjarrfikëset nga Gjirokastra, të cilët po normalizojnë situatën.

Nga ana tjetër nga vatra e zjarri rrezikohet spitali dhe depot e ujit. Behet e ditur se është kërkuar ndërhyrja me helikopter për të bërë të mundur normalizimin e situatës.

Ndërkohë në një prononcim për News 24, kreu i Emergjencave Shemsi Premçi është shprehur se situata është emergjente dhe janë marrë masat e nevojshme, po ndërhyrja nga ajri mund të bëhet vetëm nesër.

“Një zjarr i madh ka rënë mbi kodrën mi qytetin e Tepelenës, Vatra e zjarrit ndodhet 500 metra në largësi nga banesat dhe spitali i qytetit. Nesër do të ndërhyjmë nga ajri me helikopter dhe kjo do të ndodhë nëse vatra e zjarrit do të vazhdojë më shumë dhe nuk do të mund të shuhet. Mendojmë se zjarri do të fiket shumë shpejt, ndërsa era favorizon që zjarri të shkojë në lartësi jo drejt banesave”, -tha Premçi. /albeu.com/

Subscribe në YouTube: GAZETA INFOKUSI