Lajme

Zjarret në Portugali, 3 ditë zie për viktimat

Autori: Gazeta inFokus 14:31 | 17 October 2017

Portugalia shpalli tre ditë zie kombëtare duke filluar nga e marta, për viktimat e zjarreve që kanë përfshirë vendin.

Të paktën 36 persona humben jetën pasi qindra vatra zjarri u përhapën në zonat qendrore dhe veriore, të dielën e të hënën. Ato i krijuan si pasoje e thatësirës e temperaturave të larta dhe u përhapën nga erërat e forta të Atlantikut që solli uragani Ofelia.

Flakët përtej kufirit, në Spanjë,  i kushtuan jetën të paktën 3 personave.

-Advertisement-

Situata e rënduar shtyu autoritetet të shpallin gjendjen e emergjencës në zonat që gjenden në veri të lumit Tagua, një sipërfaqe kjo sa gjysma e territorit të saj. Kryeministri Antonio Costa e cilësoi këtë si valën më të madhe të zjarreve që godisnin vendin prej 2006-tës. Kabineti i tij do të takohet të shtunën për të aprovuar rekomandimet lidhur me një raport për parandalimin e zjarreve i hartuar pas një tjetër situate të ngjashme në qershor, ku vdiqën 64 persona.

Reshjet e shiut të hënën ndihmuan në shuarjen e shumë zjarreve, por disa vatra të tjera vazhduan të digjeshin përgjatë natës. Qytetarët rrëfejnë se kishin pasur shumë pak kohë për të reaguar pasi ritmi i përhapjes së flakëve ishte i pabesueshëm.

Mes viktimave në Portugali ishte edhe një bebe 1 muajshe. Në rajonin e Galicias në Spanjë 2 prej 3 viktimave u gjetën brenda një makine të djegur.

Politikanët spanjollë mendojnë se në anën e tyre të kufirit bëhet fjalë për zjarrvënie të qëllimshme.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy