Lajme

Zjarr i përmasave të mëdha në Ulëz, banorët apel për ndihmë

Autori: Gazeta inFokus 18:14 | 07 August 2017

Një zjarr i përmasave të mëdha rrezikon disa familje në fshatin Trodhen në Bushkash.

Banorë të zonës kanë ngritur shqetësimin e tyre për situatën e krijuar, pasi flakët po u afrohen shtëpive të tyre. Një nga banorët u shpreh se nga zjarri rrezikohen jo vetëm banorët, por edhe disa stane në zonë, dhe bagëtitë e tyre.

Banori i fshatit Trodhen thotë se vatra e zjarrit është krijuar prej dy ditësh, por nuk është mundur të neutralizohet.

-Advertisement-

Ai shton se i janë drejtuar për ndihmë institucioneve vendore, por edhe pse një helikopter ka shkuar ditën e djeshme, nuk është kthyer më, me pretendimin se ka pësuar defekt.

Banorët e zonës bëjnë apel për ndihmë në “News24”, pasi thonë se ndihen tejet të rrezikuar, pasi flakët po u mbërrijnë afër shtëpive.

Ndërhyrja nga toka është e vështirë për shkak të terrenit të vështirë, ndaj banorët bëjnë apel që të dërgohen helikopterë për të shuar zjarrin.