Lajme

Zjarr në pesë stacione të trenit në Ukrainë

Autori: Gazeta inFokus 09:41 | 25 April 2022

Pesë stacione treni në Ukrainë janë bombarduar nga rusët.

Përditësimin e ka bërë kreu i Hekurudhave të Ukrainës i cili ka deklaruar se pesë stacionet e trenit në Ukrainën qendrore dhe perëndimore janë bombarduar mëngjesin e sotëm.

Alexander Kamyshin tha se nga sulmet ka edhe viktima, por deri më tani nuk dihet numri i saktë i tyre.

-Advertisement-

Ai shtoi se të gjitha sulmet ndodhën brenda një ore, duke bërë që 16 trena pasagjerësh janë vonuar.

“Pesë stacione hekurudhore u bombarduan gjatë një ore sot në mëngjes. Mbi 16 trena u vonuan. Raportohen edhe për viktima, detaje më vonë. Rusët vazhdojnë të shkatërrojnë infrastrukturën hekurudhore të Ukrainës”, tha ai.

Kjo nuk është hera e parë që stacionet e trenave janë vënë në shënjestër që nga shpërthimi i luftës me Rusinë në fund të shkurtit.

Më herët në prill, të paktën 50 persona, duke përfshirë pesë fëmijë, u vranë pasi forcat ruse kryen një sulm me raketa në një stacion hekurudhor në Kramatorsk.

Stacioni në Ukrainën lindore po përdorej nga civilë që përpiqeshin të largoheshin nga lufta./abcnews.al

Subscribe në YouTube: GAZETA INFOKUSI
Etiketa:
BKT Kosova dhe Komiteti Olimpik i Kosovës nënshkruajnë vazhdimin e marrëveshjes së sponsorizimit për periudhë 10-vjeçare
-Advertisement-

Të tjera

Fokusi

lajme