Lajme

Zjarr i madh në malin e Llogarasë, kërkohet ndërhyrja e zjarrfikësve

Autori: Gazeta inFokus 11:50 | 31 July 2017

 

Ajo çka nisi si një vatër e vogël zjarri në malin e Llogarasë, tani ka marrë përmasa të mëdha. Bëhet e ditur se shërbimet zjarrfikëse të Vlorës dhe Himarës janë njoftuar, por deri më tani ende nuk ka asnjë ndërhyrje, ndoshta edhe prej terrenit të thepisur, siç mund të shihet edhe nga videoja. Mësohet se vetëm pas 8 orësh ka nisur operacioni për fikjen e kësaj vatre zjarri. Ndërkohë që vatra e zjarrit sa vjen e po zgjerohet në sipërfaqe edhe më të mëdha.

Gjithashtu, emergjencat civile bëjnë me dije se gjatë 24 orëve të fundit deri në orën 09:00 të mëngjesit të sotëm janë konstatuar 5 vatra zjarri në pyje e kullota.

Specialistët e Emergjencave Civile janë duke mbajtur situatën në monitorim të vazhdueshëm në të gjithë vendin.

-Advertisement-

Drejtoria e Përgjithshme e Emergjencave Civile, në Ministrinë e Punëve të Brendshme përsërit thirrjen ndaj të gjithë qytetarëve që në rast se konstatojnë zjarre, të njoftojnë menjëherë në numrat e emergjencave 112, 129 dhe 128.

 

 

Subscribe në YouTube: GAZETA INFOKUSI
Etiketa:
Marsi sjell Magji në ETC

Të tjera

Fokusi

lajme