Lajme

Ziadin Sela deputetit shqiptar i cili u dhunua nga huliganët

Autori: Gazeta inFokus 10:45 | 28 April 2017

Një nga deputetët shqiptarë i cili u dhunua nga huliganët, Ziadin Sela, u shpreh se ajo që ndodhi mbrëmjen e së enjtes në Maqedoni ishte fundi i së keqes.

Deputeti shqiptar në Maqedoni, Ziadin Sela, i cili u lëndua rëndë gjatë hyrjes së protestuesve në Kuvendin maqedonas, përmes një postimi në Facebook, ka shkruar se situata e mbrëmjes së të enjtes është fundi i një të keqe që po ndodh në Maqedoni.
Administruesit e faqes së tij në këtë rrjet social kanë shkruar se janë të detyruar të publikojnë një komunikatë për qetësimin e qytetarëve që kanë pyetur për shëndetin e kryetarit të LR-PDSH-së, Ziadin Sela.
“Falë Zotit ai është mirë. Ka dëmtime të ndryshme por gjendja e tij është nën kontroll dhe nuk paraqet asnjë rrezik për jetën”, thuhet në postim.
“Falënderojmë te gjithë ata të cilët kanë qëndruar pranë nesh gjatë gjithë kohës. Bëjmë thirrje për qetësi, ju urojmë një natë të qetë, duke ju siguruar që ky nuk është fillimi i asgjëje, ky është vetëm fundi i një të keqeje… Fundi i pashmangshëm i saj” përfundon postimi në profilin personal të Facebookut të deputetit shqiptar.

Ambasadori amerikan Hovenier vizitë në Devolli Corporation, lavdëron sukseset e Comoditas

Të tjera