Lajme

​Zhvillimet në Rusi, Musliu: Vendndodhja e Putinit mund të jetë në Beograd

Autori: Gazeta inFokus 19:09 | 24 June 2023

Drejtori i Octopus, Agim Musliu ka reaguar pas zhvillimeve në Rusi, ku grupi Wagner po tenton të bëjë grushtshtet, duke thënë se vendndodhja e presidentit rus, Valdimir Putin mund të jetë kryeqyteti i Serbisë, Beogradi.

Ai ka kujtuar se Rusia ka strehuar gruan e kasapit të Ballkanit, Millosheviqit dhe se Vuçiq ka marrë çmimin më të lartë rus.

“Vendndodhja e #Putinit mund të jetë #Beograd. Serbia 🇷🇸 ia ka borxh këtë Rusisë🇷🇺. Mos harroni, ish-kreu i ushtrisë #jugosllave iku në Moskë, e po ashtu edhe gruaja e #Milosheviçit. dhe shumë të tjerë. #Vuçiq ka marrë çmimin më të lartë rus. Kush e di?!”, ka shkruar Musliu.

-Advertisement-

BBC raporton se ushtarët e Wagner kanë marrë në kontroll ndërtesa ushtarake në qytetin e Voronezhit, një qytet mes Moskës dhe Rostovit, për të cilën mercenarët pretendojnë se kanë po ashtu kontrollin.

Të shtunën, presidenti rus Vladimir Putin akuzoi shefin e Wagner, Yevgeny Prigozhin për tradhti, pasi luftëtarët e tij paraushtarakë kaluan kufirin nga Ukraina në Rusi, duke hyrë në qytetin e Rostov-on-Don.

Prigozhin akuzoi forcat ruse për sulmimin e luftëtarëve të tij, një pretendim që Moska e mohon.

Prigozhin në muajt e fundit ka akuzuar në mënyrë të përsëritur Ministrinë ruse të Mbrojtjes dhe ministrin e Mbrojtjes, Sergej Shoygu se nuk i kanë furnizuar me armë të mjaftueshme grupit të tij paraushtarak.

Wagner ka luftuar së bashku me ushtrinë e rregullt ruse në Ukrainë.

Rusia nisi “operacionin e saj special ushtarak” në Ukrainë më 24 shkurt të vitit të kaluar.

 

Subscribe në YouTube: GAZETA INFOKUSI
Viva Fresh sjell programin XL: 10% zbritje gjatë gjithë vitit!
-Advertisement-

Të tjera

Fokusi

lajme