Lajme

Zhvillimet në Kosovë, reagon shefi i OSBE-së: Jam i shqetësuar me veprimet e fundit

Autori: Gazeta inFokus 09:17 | 06 November 2022

Shefi i Misionit të OSBE-së në Kosovë, Michael Davenport, është shprehur i shqetësuar për zhvillimet e fundit, pas largimit të serbëve nga institucionet e Kosovës.

Në një deklaratë Davenport u ka bërë thirrje palëve që të mos lejojnë që dallimet për çështjet aktuale të kërcënojnë ato që janë arritur në vitet e fundit.

“Integrimi i Policisë së Kosovës dhe gjyqësorit ka qenë shumë i rëndësishëm për të mbajtur dhe forcuar sundimin e ligjit në Kosovë, dhe për të ruajtur interesat e komuniteteve joshumicë. Jam i shqetësuar nga veprimet e fundit dhe deklaratat që kërcënojnë këtë integrim, që është një nga përfitimet më të mëdha të dialogut të ndihmuar nga BE-ja, dhe nga i cili kanë përfituar gjitha komunitetet. U bëjë thirrje palëve që të mos lejojnë që dallimet për çështjet aktuale të kërcënojnë ato që janë arritur në vitet e fundit”, thuhet në deklaratën e Davenport.

-Advertisement-

Shefi i OSBE-së, ka kërkuar një angazhim politik proaktiv nga Prishtina dhe Beogradi me synim për të arritur përparim drejt normalizimit të plotë të marrëdhënieve.

“Dua të shprehi gatishmërinë e Misionit të OSBE-së në Kosovë për të vazhduar përkrahjen e integrimit të Policisë dhe gjyqësorit, dhe brenda mandatit të vetë të përkrahë implementimin e marrëveshjeve të arritura në dialog. Është esenciale një angazhim më i madh në dialog për të ruajtur interesat dhe po ashtu për sigurinë e të gjithëve”, thuhet në deklaratë.

Subscribe në YouTube: GAZETA INFOKUSI
Etiketa:
Rëndësia e komunikimit efektiv midis Familjes dhe Kopshtit
-Advertisement-

Të tjera

Fokusi

lajme