Lajme

Zhdukja e mostrave të Deharit, LDK: Të shkarkohet Haxhiu, përndryshe edhe Kurti është bashkëpërgjegjës

Autori: Gazeta inFokus 14:09 | 09 December 2022

Shkëmb Manaj nga Lidhja Demokratike e Kosovës ka kërkuar dorëheqjen e ministres së Drejtësisë, Albulena Haxhiu, pas zhdukjes së mostrave të Astrit Deharit nga Instituti i Mjekësisë Ligjore.

Manaj, në një konferencë për media, tha se nëse Haxhiu nuk jep dorëheqje sot atëherë kryeministri, Albin Kurti, duhet ta shkarkojë atë.

“Lidhja Demokratike e Kosovës vlerëson që zhdukja e mostrave të Astrit Dehari nga laboratori i IML-së që funksionon në kuadër të Ministrisë së Drejtësisë është super skandal dhe akti i shëmtuar kriminal”.

-Advertisement-

“Ky rast tregon më së mirë gjendjen në të cilën është katandisur Ministria e Drejtësisë dhe institucionet vartëse të saj. Ministrja e Drejtësisë është e paaftë që të drejtojë këtë ministri dhe të udhëheq procesin e reformave në drejtësi. Prandaj, dorëheqja e ministres së Drejtësisë është minimumi i përgjegjësisë së saj në këtë rast dhe në shumë raste tjera parapake”, tha Manaj.

Madje, Manaj thotë se nëse Kurti nuk e shkarkon Haxhiun do e konsiderojnë si bashkëpërgjegjës për këtë rast të cilin e konsiderojnë si super skandal dhe akt kriminal.

“Nuk mjafton pezullimi i zyrtarëve të IML-së, ky është një veprim me antë të të cilit mundohet të mbulohet përgjegjësia politike dhe institucionale e ministres së Drejtësisë. Prandaj, kërkojmë dorëheqjen e ministres së Drejtësisë, nëse nuk jep dorëheqje brenda ditës së sotme e ftojmë kryeministrin Kurti që ta shkarkojë atë – në rast se nuk e shkarkon e konsiderojmë bashkëpërgjegjës në këtë rast të zhdukjes së mostrave”.

“Nëse ndodh që zhdukja e këtyre mostrave do të ketë efekt të drejtpërdrejt në ndriçimin e plotë të rastit Dehari, atëherë shtrohet pyetja kujt po i intereson mos zbardhja e këtij rasti?”, tha Manaj.

LDK-ja, mes tjerash, i bëri thirrje Prokurorisë Speciale që të zbardhin shpejt këtë rast kriminal dhe të gjithë akterët e involvuar të marrin dënimin e merituar.

Subscribe në YouTube: GAZETA INFOKUSI
Oferta ekstreme e majit – dyshek memory 100€ më lirë!
-Advertisement-

Të tjera

Fokusi

lajme