Lajme

Zhduket një person në Ferizaj, policia apelon qytetarët për bashkëpunim

Autori: Gazeta inFokus 20:43 | 23 August 2023

Ilaz Sejdiu me vendbanim në Greme të Ferizajt nuk është kthyer prej datës 17 gusht kur kishte dalë nga shtëpia. Pas pranimit të informacionit për zhdukjen e tij, Policia e Kosovës po kërkon bashkëpunimin e qytetarëve për gjetjen e tij.

Në njoftimin e Policisë së Kosovës bëhet e ditur se Sejdiu, i lindur me 17.10.1932, kishte dalë nga shtëpia e tij me 17 gusht rreth orës 07:00 të mëngjesit.

“Kishte të veshura pantallona dhe xhaketë ngjyrë kafe, këpucë të zeza me shirita ngjitës dhe me plis të bardhë. Ekipet e policisë në bashkëpunim të ngushtë me familjarët e tij, banorë të zonës, janë në kërkim të personit të zhdukur. Policia Rajonale e Ferizajt ka marr autorizimet nga prokurori i rastit nga Prokuroria Themelore në Ferizaj për publikim e të dhënave të tij dhe kërkojmë bashkëpunimin e qytetarëve”, thuhet në njoftimin e Policisë.

-Advertisement-

Të gjithë ata që kanë informacione, që ndërlidhen me personin e zhdukur, ftohen të njoftojnë Policinë e Kosovës, në stacionin më të afërt të policisë, apo përmes numrit kujdestar 192 dhe aplikacionit digjital “Lajmëro Policinë”.

Subscribe në YouTube: GAZETA INFOKUSI
EURO 2024 dhe Serie A, dy ekskluzivitetet absolute të Artmotion këtë vit
-Advertisement-

Të tjera

Fokusi

lajme