Ekonomi

Zhdoganimi elektronik rriti të hyrat e Doganës

Autori: Gazeta inFokus 19:57 | 07 January 2018

Nga të gjitha pikat doganore që ka Kosova, përgjatë një viti është arritur mbledhja e mbi 1 miliardë eurove. Dogana vazhdon të jetë institucioni që e mbushë më së shumti arkën e shtetit ndërsa shumë e përafërt me këtë vit, ka qenë edhe vitin e kaluar. Dogana arrin të mbledhë tri taksa doganore.

“Taksën doganore prej 10 përqind në vlerë por kjo taksë ndikohet prej MSA-së dhe CEFTA-s, pastaj Akciza që është taksë specifike si dhe TVSH në lartësi prej 18 përqind”, ka thënë zëdhënësi i Doganës së Kosovës, Adriatik Stavileci.

Stavileci është pyetur se cilat mallra janë ato që janë konfiskuar më së shumti gjatë vitit 2017, por i njëjti ka thënë se kryesisht kanë qenë mallrat me Akcizë, duke mos specifikuar se çfarë ndodhë më pas me këto mallra të konfiskuara.

-Advertisement-

Ndër të tjerash duhet cekur se muajt me të hyrat më të larta në vend janë pikërisht muajt e verës kur edhe rritet numri i bashkatdhetarëve si dhe muaji dhjetor.

Gjatë këtyre muajve në vend shtohen vizitat si dhe të hyrat doganore.

Dogana e Kosovës këtë vit ka arritur të ketë një rritje të të hyrave prej 6.8 përqind apo 68 milionë euro më shumë, raporton Indeksonline.

Zëdhënësi i Doganës së Kosovës, Adriatik Stavileci ka thënë se ndër sukseset më të mëdha përgjatë këtij viti ishte modernizimi dhe kalimi në zhdoganimin elektronik.

“Jemi dogana e parë në Ballkan që punon me sisteme të zhdoganimit elektronik”, ka shtuar Stavileci.

Duhet shtuar se në Kosovë janë pikërisht 18 pika doganore funksionale teksa misioni kryesor i Doganës së Kosovës vazhdon të jetë kontributi në çështjet ekonomike si dhe kontributi për sigurinë.

Subscribe në YouTube: GAZETA INFOKUSI
Etiketa:
Rakinica e Skenderajt bëhet me rrjet të ri elektrik
-Advertisement-

Të tjera

Fokusi

ekonomi