Lajme

Zgjohet nga koma kosovarja që u plagos nga bashkëshorti në Gjermani

Autori: Gazeta inFokus 16:01 | 30 December 2021

Të martën në Gjermani ndodhi një tragjedi e madhe në familjen kosovare, ku Flamur R. (44) qëlloi për vdekje dy djemtë e tij të moshës 11 dhe 13-vjeçare e tentoi ta vriste edhe bashkëshorten Avdije R. (38) duke e plagosur.

Më pas ai vrau veten.

Gruaja Avdije R. ishte futur në komë artificiale. Por, gazeta gjermane “Bild” raporton se ajo tash është zgjuar nga koma.

-Advertisement-

Se çfarë shtyu Flamur R. drejt kësaj vepre ajo nuk ka mundur të pyetet ende.

“Ajo nuk ka mundur të merrej në pyetje, pasi vlerësimi i mjekëve është se ende nuk mund të përgjigjet”, ka thënë kryeprokurorja Ulla Hingst.

Sipas hetimeve fillestare 44-vjeçari në mbrëmjen e natës së dytë të Krishtlindjeve kishte vrarë djemtë e tij 11 përkatësisht 13 vjet me nga një plumb.

Avdije R. është dërguar me disa plagë të marrë nga arma në spital.

E Flamur R. kishte vrarë veten pasi qëlloi gjithë anëtarët tjerë.

Sipas hetimeve Flamur R. ka qëlluar tetë herë me armë.

“Janë gjetur tetë gëzhoja në shtëpi”, thotë Hingst.

44-vjeçari nuk kishte leje të armës. Motivi i vrasjes mbetet ende i paqartë.

Subscribe në YouTube: GAZETA INFOKUSI