Lajme

Zgjerohen sulmet e forcave irakiane kundër bastioneve të ISIS

Autori: Gazeta inFokus 18:08 | 21 August 2017

Komanda për çlirimin e qytetit Tel Afar në Irak njoftoi shtimin e operacioneve të ushtrisë irakiane kundër bastioneve të ISIS në këtë zonë. Abdul’amir Rashid Jarallah,komandant i operacionit për çlirimin e qytetit Tel Afar deklaroi se forcat irakiane nuk do të tërhiqen në asnjë çast derisa ky qytet të çlirohet nga zgjedha e terroristëve të ISIS.

Forcat tokësore të Irakut kanë nisur operacionin për rimarrjen e Tal Afar-it, një prej qyteteve të fundit në vend që mbahet nga grupi terrorist takfirist ISIS. Në një fjalim televiziv, kryeministri Hejdar Ebadi tha se terroristët kishin dy zgjedhje: të dorëzoheshin ose të vdisnin. Ushtria irakiane ka shënjestruar Tal Afar-in pas çlirimit të Mosulit, bastionit kryesor të ISIS, në korrik.

Aeroplanët luftarakë të Irakut prej disa ditësh kanë bombarduar bastionet e ISIS në këtë qytet. Vetëm pak orë përpara fjalimit televiziv të kryeministrit, forcat ajrore irakiane shpërndanë fletëpalosje nëpër qytet duke lajmëruar njerëzit të përgatiteshin për sulmin më të fundit.

-Advertisement-

Tal Afar mbahet i rrethuar nga trupat ushtarake dhe forcat vullnetare. Muajin e kaluar, Abdul’amir Rashid Jarallah, komandant i operacionit për çlirimin e qytetit Tel Afar u shpreh se në qytet kanë mbetur jo më shumë se 2,000 terroristë dhe familjet e tyre.

Subscribe në YouTube: GAZETA INFOKUSI
Etiketa:
Viva Fresh Store triumfon në çmimet Best Buy Award 2024/2025 në Kosovë!
-Advertisement-

Të tjera

Fokusi

lajme