Lajme

Zgjedhja e kontestuar e kryetarit të KPM, AAK: Jemi të shqetësuar, tentim i regjimit të Kurtit për kontroll të mediave

Autori: Gazeta inFokus 19:13 | 17 January 2025

Aleanca për Ardhmërinë e Kosovës, është shprehur e shqetësuar, dhe ka kundërshtuar zgjedhjen ‘‘jo legjitime të kryetarit të ri të Këshillit të Pavarur të Mediave’’, për të cilën kjo parti ka thënë se është tentativë nga pushteti i Albin Kurtit, për të kapur institucionet e pavarura të mediave.

Nga AAK-ja është thënë edhe se ky veprim është sulm i drejtpërdrejtë ndaj lirisë së medias.

‘‘Ndërhyrja kaq e ashpër e pushtetit në një institucion të pavarur, pikërisht në vlugun e fushatës elektorale, s’ka si të kuptohet ndryshe përpos si përpjekje për kontroll të mediave për qëllime elektorale. Çdo përpjekje për të politizuar dhe kontrolluar institucionet e pavarura të mediave do të përballet me reagimin tonë të vendosur’’, është thënë nga kjo parti.

-Advertisement-

Po ashtu, AAK ka deklaruar se do të përdorë të gjitha mekanizmat institucional dhe ligjorë për të kundërshtuar këtë vendim.

Komunikata e plotë:

DEKLARATË PËR OPINION – Kundërshtojmë tentativën autokrate kundër fjalës së lirë

Aleanca për Ardhmërinë e Kosovës shpreh shqetësimin e thellë dhe kundërshtimin e prerë ndaj zgjedhjes jo legjitime të kryetarit të ri të Këshillit të Pavarur të Mediave, një veprim që shënon një tentativë të hapur të regjimit Kurti për të kapur institucionet e pavarura të mediave.

Kjo lëvizje e orkestruar përfaqëson një sulm të drejtpërdrejtë ndaj lirisë së medias dhe pluralizmit të informacionit në Kosovë. Ndërhyrja kaq e ashpër e pushtetit në një institucion të pavarur, pikërisht në vlugun e fushatës elektorale, s’ka si të kuptohet ndryshe përpos si përpjekje për kontroll të mediave për qëllime elektorale.

Çdo përpjekje për të politizuar dhe kontrolluar institucionet e pavarura të mediave do të përballet me reagimin tonë të vendosur. Liria e mediave është themeli i demokracisë sonë dhe nuk do të lejojmë që ajo të bëhet pre e ambicieve autokratike të regjimit aktual.

AAK do të përdorë të gjitha mekanizmat institucionalë dhe ligjorë për të kundërshtuar këtë vendim të paligjshëm dhe për të mbrojtur pavarësinë e mediave në Kosovë.

Subscribe në YouTube: GAZETA INFOKUSI
Comodita Home nis epokën e franshizës në Belgjikë
-Advertisement-

Të tjera

Fokusi

lajme