Lajme

Zemaj pret anëtarësimin e Kosovës në Interpol dhe Europol

Autori: Gazeta inFokus 16:12 | 26 Shkurt 2018

Deputeti i LDK-së, Armend Zemaj mbajti fjalim në Konferencën e Komisioneve Parlamentare për Integrime Evropiane të vendeve pjesëmarrëse në Procesim e Stabilizim-Asociimit të Evropës Jug-Lindore “COSAP”.

Në fjalimin drejtuar anëtarëve të kësaj konference tha se Kosova synon që sa më shpejtë të bëhet pjesë e aleancës për siguri dhe stabilitet me ç’rast kërkoi përkrahje që Kosova të anëtarësohet në Interpol dhe Europol, shkruan Infokusi.com

Zemaj gjithashtu tha se njëra nga sfidat më të mëdha në vendet e Evropës Jug-Lindore është sundimi i ligjit, qeverisja e mirë dhe forcimi i institucioneve demoktratike.

-Advertisement-

Sa i përket qeverisjes ai tha se Kosova ka shënuar progres në qeverisje të mirë, megjithatë duhet akoma punë për të arritur nivelin e kënaqshëm.

“Institucionet e Republikës së Kosovës një prej prioriteteve kryesore e kanë sundimin e rendit dhe Ligjit. Obligimet institucionale që dalin nga Marrëveshja e Stabilizim Asociimit janë të prioritizuara me verpimet konkrete përmes dokumenteve siq janë Programi Kombëtar për Zbatimin e Marrëveshjes së Stabilizim Asociimit dhe Agjendën për Reforma Evropiane”, ka thënë Zemaj.

Sipas tij, luftimi i dukurive negative, mbrojtja e prones publike dhe private, krijimi i kushteve për investime të jashtme mbeten prioritet i vazhdueshëm./INFOKUSI