Lajme

Zemaj nënshkruan udhëzimin për licencimin e laboratorëve privatë për testime për COVID-19

Autori: Gazeta inFokus 12:37 | 14 July 2020

Ministri i Shëndetësisë, Armend Zemaj ka nënshkruar udhëzimin administrativ për të licencuar laboratorët privatë për testimet me Coivd.

Zemaj gjatë seancës plenare që po mbahet për situatën me pandeminë Coivd 19 u shpreh se tashmë do të rritet edhe numri i testimeve në nivel vendi.

“Sot kam nënshkruar dy udhëzime administrative, kam nënshkruar bordin e ri për licencim për pjesën për Covid të laboratorëve privatë. Menjëherë do të fillojnë institucionet publike të rrisin numrin e testimeve. Komuna e Prishtinës veç është në pritje, besoj që institucionet publike dhe private do të përgatiten për këtë punë”, tha Zemaj.

-Advertisement-

Kreu i shëndetësisë gjatë situatës iu kundërpërgjigj edhe deputetëve opozitarë për formën e testimeve.

Ai tha se nuk është privilegjuar askush deri më tani, por ata vetëm që i kanë pasur parametrat për testim.

Subscribe në YouTube: GAZETA INFOKUSI
Intervistë: Dr. Gorazd Konjanovski – Klinika Zhan Mitrev ka luajtur një rol kyç në vendosjen e themeleve në kardiokirurgji dhe…

Të tjera