Lajme

Zelensky u thotë ushtarëve ukrainas: “Ju do të vendosni nëse Ukraina do të ekzistojë”

Autori: Gazeta inFokus 14:52 | 24 February 2023

Presidenti ukrainas, Volodymyr Zelensky, mbajti një fjalim para trupave në Kiev të premten, në përvjetorin e parë të pushtimit rus të vendit.

“Jeni ju që do të vendosni nëse ne të gjithë do të ekzistojmë. Nëse Ukraina do të ekzistojë. Çdo ditë. Çdo orë. Jeni ju – ushtarë ukrainas – ata që do ta vendosni”, u tha Zelensky atyre.

Forcat e armatosura të Ukrainës kanë ngritur një mbrojtje elastike të vendit të tyre në vitin që nga pushtimi, duke e kthyer atë që shumëkush prisnin të ishte një sulm i shpejtë rus në një konflikt të ashpër dhe të përgatitur mirë, shkruan CNN, transmeton Gazeta Infokus.

-Advertisement-

Më herët të premten, Zelensky tha se viti 2023 do të jetë viti i fitores së Ukrainës në fushën e betejës.

“Më 24 shkurt, miliona prej nesh bënë një zgjedhje. Jo një flamur i bardhë, por ai kaltër e verdhë. Jo duke ikur, por duke u përballur. Duke rezistuar dhe luftuar, “tha Zelensky në një postim në Twitter.

“Ishte një vit dhimbjeje, pikëllimi, besimi dhe uniteti. Dhe këtë vit, ne mbetëm të pathyeshëm. Ne e dimë se viti 2023 do të jetë viti i fitores sonë”, shtoi Zelensky.

Subscribe në YouTube: GAZETA INFOKUSI
GP Aviation dhe PrishtinaTicket me fluturime direkte dy herë në javë drejt Parisit!
-Advertisement-

Të tjera

Fokusi

lajme