Lajme

Zelensky takohet me Biden, FMN aprovon 900 milion dollarë ndihmë për Ukrainën

Autori: Gazeta inFokus 13:45 | 12 December 2023

Presidenti amerikan Joe Biden pret sot në Shtëpinë e Bardhë kreun e shtetit ukrainas, Volodymyr Zelensky në kohën kur bisedimet mbi një marrëveshje ndihme për Ukrainën vazhdojnë të mbeten të bllokuara në Kongres.

Kjo është vizita e tretë e Zelensky në Uashington që nga fillimi i luftës në Ukrainë. Për herë të fundit, ai ishte atje në shtator.

Presidenti ukrainas po shpreson t’i prekë pak zemrat e ligjvënësve republikanë të cilët po e lidhin ndihmën për vendin e tij të sulmuar nga Rusia, me ndryshimet në politikat e brendshme të emigracionit dhe mbrojtjes së kufirit.

-Advertisement-

Një ndihmë tjetër ndërkohë, ai arriti ta siguronte nga FMN-ja, shefja e të cilit, Kristalina Georgieva u takua me të fill pas mbërritjes në Uashington, për t’i njoftuar disbursimin e 900 milionë dollarëve si pjesë e programit 15.6 miliardë dollarë, si hua për Ukrainën.

Georgieva e përgëzoi për rritjen ekonomike pozitive, pavarësisht luftës dhe e siguroi atë për vijimësinë e mbështetjes financiare që është jetike në këto kushte për Ukrainën. Të dhënat e Fondit Monetar Ndërkombëtar tregojnë se pavarësisht shpërthimit të konfliktit shkurtin e vitit 2022, nga ekonomia ukrainase kane vazhduar të mbërrijnë sinjale positive e i tillë duket se mbetet dhe parashikimi për 2024-tën.

Sipas të dhënave zyrtare të ministrisë se saj të Financave, që nga fillimi i luftës Ukraina ka marrë deri tani një mbështetje buxhetore prej 68.5 miliardë dollarësh.

Subscribe në YouTube: GAZETA INFOKUSI
Etiketa:
Presidenti i UNI z. Alejtin Berisha, folës mbi temën “Women’s Role in Artificial Intelligence Development” në DOKUTECH, edicioni i 11-të
-Advertisement-

Të tjera

Fokusi

lajme