Lajme

Zelensky: Rusia shkatërroi infrastrukturën kritike në Herson

Autori: Gazeta inFokus 09:22 | 15 November 2022

Presidenti i Ukrainës, Volodymyr Zelensky, tha se Rusia ka shkatërruar “gjithë infrastrukturën kritike” në Herson – rajonin e rimarrë nga ushtria ukrainase, javën e kaluar.

Zelensky tha se në Herson nuk ka energji elektrike, nuk ka komunikim dhe nuk ka televizion.

Trupat ruse kanë shkatërruar gjithçka qëllimisht, tha ai.

-Advertisement-

“Kjo është ajo që do të thotë flamuri rus: shkatërrim i plotë”, tha Zelensky pasi vizitoi Hersonin e çliruar, më 14 nëntor.

Çlirimi i Hersonit, të premten e kaluar, ishte një nga sukseset më të mëdha të Ukrainës në luftën e saj kundër pushtimit rus.

Gjatë vizitës në Herson, Zelensky tha se çlirimi i qytetit është “fillimi i fundit të luftës”.

Presidenti i SHBA-së, Joe Biden, tha se rimarrja e këtij rajoni nga forcat ukrainase është një “fitore e rëndësishme”.

“Nuk mund të bëj asgjë tjetër, veçse të duartrokas guximin, vendosmërinë dhe kapacitetin e popullit ukrainas”, tha Biden.

Hersoni ka rënë nën kontrollin e forcave ruse në mars – disa javë pasi presidenti rus, Vladimir Putin, ka dhënë urdhrin për pushtimin në shkallë të gjerë të Ukrainës.

Pas disa referendumeve të paligjshme që ka mbajtur në shtator, Rusia e ka aneksuar atë, së bashku me tri rajone të tjera ukrainase.

Por, javëve të fundit, Ukraina ka shënuar fitore të mëdha në fushëbetejë, duke i vënë forcat ruse nën presion.

Ato janë tërhequr të premten nga Hersoni, ku më pas kanë hyrë trupat ukrainase./REL

Subscribe në YouTube: GAZETA INFOKUSI
Etiketa:
BKT Kosova vazhdon përkushtimin ndaj gjithëpërfshirjes duke dhuruar një furgon për të mbështetur fëmijët me nevoja të veçanta
-Advertisement-

Të tjera

Fokusi

lajme