Lajme

Zelensky: Moska është “e frikësuar” nga intervista ime me gazetarët rusë

Autori: Gazeta inFokus 10:30 | 28 March 2022

Presidenti i Ukrainës, Volodymyr Zelensky, ka reaguar pas përpjekjes së Rusisë për të censuruar intervistën e tij me gazetarë të pavarur rusë, duke thënë se Moska ishte e frikësuar nga gazetarët të cilët mund të thonë të vërtetën.

Në një fjalim të fundit përmes një video-mesazhi të dielën, Zelensky iu është drejtuar popullit të tij, të cilëve u ka thënë se është bindur se sa larg janë nga Rusia, raporton CNN, transmeton Gazeta Sinjali.

“Njerëz të fortë të vendit tonë të fortë, sot është dita kur jam i bindur vazhdimisht se sa larg jemi nga Federata Ruse. Vetëm imagjinoni, ata ishin të frikësuar në Moskë për shkak të intervistës sime me gazetarët rusë. Ata prej tyre që mund të thonë të vërtetën.”, ka thënë ai.

-Advertisement-

Ndryshe, mbikëqyrësi i medias në Moskë, Roskomnadzor, lëshoi një deklaratë të dielën duke paralajmëruar mediat ruse kundër ritransmetimit ose shpërndarjes së intervistës.

“(Ata) shkatërruan lirinë e fjalës në shtetin e tyre, (dhe po) përpiqen të shkatërrojnë shtetin fqinj. Ata e portretizojnë veten si lojtarë globalë. Dhe ata vetë kanë frikë nga një bisedë relativisht e shkurtër me disa gazetarë. Epo, nëse ka një reagim të tillë, atëherë ne po bëjmë gjithçka siç duhet. Do të thotë se ata janë nervozë.” tha Zelensky.

Intervista e gjatë me video , e postuar e plotë në kanalin Telegram të Zelensky, përmbante pyetje nga disa prej gazetarëve të pavarur më të shquar të Rusisë, duke përfshirë autorin Mikhail Zygar dhe Tikhon Dzyadko, kryeredaktorin e kanalit të mbyllur së fundmi TV Rain.

Subscribe në YouTube: GAZETA INFOKUSI