Lajme

Zelensky: “Fituam në atë kohë. Do të fitojmë edhe tani”

Autori: Gazeta inFokus 10:11 | 09 May 2022

Presidenti i Ukrainës Volodymyr Zelenskiy ka lëshuar një deklaratë për Ditën e Fitores së Rusisë, duke thënë se Ukraina do të fitojë luftën, sipas The Guardian.

Ai ka postuar një video-mesazh në Twitter duke përkujtuar fitoren ndaj Gjermanisë naziste në Luftën e Dytë Botërore dhe duke thënë se vendi i tij do ta fitojë luftën me Rusinë.

Zelensky deklaroi gjithashtu se Ukraina nuk do t’i japë Rusisë “asnjë pjesë të tokës sonë”.

“Ne po luftojmë për një fitore të re. Rruga drejt saj është e vështirë, por nuk kemi dyshim se do të fitojmë”, theksoi ai.

Rusia po shënon gjithashtu sot përvjetorin me paradat e saj vjetore të Ditës së Fitores në të gjithë vendin, të cilat festojnë fitoren e Bashkimit Sovjetik ndaj Gjermanisë naziste.

Etiketa:

Të tjera

Fokusi

lajme