Lajme

Zelanda e Re do të ndalojë pirjen e duhanit për personat e lindur pas vitit 2008

Autori: Gazeta inFokus 07:34 | 09 December 2021

Zelanda e Re do të ndalojë shitjen e duhanit për gjeneratën e saj të ardhshme, në një përpjekje për të hequr përfundimisht duhanin.

Të gjithë të lindurit pas vitit 2008 nuk do të jenë në gjendje të blejnë cigare apo produkte duhani gjatë jetës së tyre, sipas një ligji që pritet të miratohet vitin e ardhshëm.

Lëvizja është pjesë e një goditjeje gjithëpërfshirëse kundër duhanpirjes të shpallur nga ministria e shëndetësisë e Zelandës së Re.

-Advertisement-

Zelanda e Re është e vendosur të arrijë një objektiv kombëtar për të reduktuar shkallën e saj kombëtare të pirjes së duhanit në 5 përqind deri në vitin 2025, me synimin për ta eliminuar përfundimisht atë krejtësisht.

Aktualisht, rreth 13 përqind e të rriturve në Zelandën e Re pinë duhan, nga 18 përqind rreth një dekadë më parë, raporton BBC.

Qeveria prezantoi gjithashtu kontrolle të mëdha të duhanit – duke përfshirë kufizimin e ndjeshëm të vendit ku mund të shiten cigaret për t’i hequr ato nga supermarketet dhe kioska.

Numri i dyqaneve të autorizuara për të shitur cigare do të reduktohet në mënyrë drastike në nën 500 nga rreth 8,000 tani, thonë zyrtarët.

Subscribe në YouTube: GAZETA INFOKUSI