Sport

Zekrija Ramadani: Për titullin dhe kupën luftojmë deri në fund

Autori: Gazeta inFokus 18:38 | 07 January 2021

FC Prishtina pa ndryshime, por me objektiva të mëdha për pranverën e nxehtë.

Skuadra ‘bardhekaltër’ ka nisur stërvitjet, derisa qëllimet i ka të qarta.

Trajneri Zekirija Ramadani është i lumtur me rikthimin e të lënduarve.

-Advertisement-

“Është lajm i mirë rikthimi i Alban Shillovës nga lëndimi, i cili e mbajti gjatë jashtë fushave, poashtu edhe i Enis Gavazajt, i cili nuk ishte në 100 përqindëshin e tij”, ka thënë fillimisht Ramadani për “Zeri.info”.

“Mendoj se me rikthimin e këtyre dy futbollistëve, skuadra ka tjetër pamje, janë konkurrencë më shumë për formacion dhe jam i bindur se mund të jenë përforcimet më të mira për janar”, tregon më tej trajneri shkupjan.

Afati kalimtar i janarit nuk pritet të sjellë shumë risi te FC Prishtina.

“Nuk dua të marrim vetëm numër, por duam të marrim cilësi. Nuk gjetëm ndonjë futbollistë që mund ta mbajë fanellën dhe peshën e FC Prishtinës. Por, nuk do të thotë se është mbyllur afati me katër futbollistë, por nëse nuk gjejmë atëherë nuk ka problem”, vlerëson Ramadani.

“Disa futbollistë i kemi liruar në mënyrë që ata të luajnë dhe të mos qëndrojnë këtu vetëm sa për stërvitje”, potencoi ish-trajneri i Feronikelit.

Titulli i kampionit dhe Kupa e Kosovës janë synimet e skuadrës kryeqytetase.

“Derisa ekziston matematika, ne nuk do të heqim dorë, por sidoqoftë janë 18 ndeshje deri në fund. Kemi bërë gabimet tona dhe shpresoj se nuk do të gabojmë më”, përfundoi Zekirija Ramadani.

Subscribe në YouTube: GAZETA INFOKUSI