Lajme

Zeka: Po të mos ishte KFOR-i ushtarët e Vuçiqit zbarkojnë për katër 4 orë në Kosovë

Autori: Gazeta inFokus 10:29 | 07 May 2021

Gazetari Milaim Zeka ka komentuar zhvillimet e fundit politike në Kosovë.

Zeka ka thënë se nëse Kosova nuk do të koordinohet me partnerët ndërkombëtarë, atëherë e ardhmja e vendit do të jetë ndarja e 17 për qind e territorit të saj.

“Nëse Albin Kurti, apo cilido politikan shqiptar në Prishtinë dhe në Tiranë, ta kuptojnë se superfuqia e votës ka arritur të ndajë Berlinin përgjysmë, kryeqytetin me shtetit më të fuqishëm Europian. Nëse ne nuk do të koordinohemi me partnerët tanë ndërkombëtarë, sidomos me Gjermaninë dhe SHBA-në, unë jam shumë i bindur dhe shumë i shqetësuar se e ardhmja e Kosovës do të jetë ndarja e 17% të territorit të saj”.

-Advertisement-

Më tej Zeka u shpreh se Kosova duhet të kthehet te ideja e Thaçit për paqe, ndërsa thotë se po të mos ishte KFOR-i ushtarët e Vuçiqit zbarkojnë për katër 4 orë në Prishtinë.

“Këtë ide e mbështesin shumë njerëz të UCK. T’i japim fund konfliktit Kosovë-Serbi. Fëmijët të mos rriten me idenë e konfliktit. Të mos harrojmë se gjatë 2 mijë viteve lufte, popullit shqiptar vetëm një herë i ka rastisur që të ketë një mbështetje nga NATO. Kosova nuk do të ishte çliruar nga Serbia nëse nuk do të ishin aeroplanët e NATO-s. Ne e dimë fuqinë tonë në raport me Serbinë. Ne dimë se po të mos jetë KFOR në Kosovë dhe baza amerikane në Bondsteel, ushtarët e Slobodan Miloseviç të ri, që është Vuçiç, për 4 orë zbarkojnë jo në Prishtinë, por edhe në Prizren e në Kukës”, u shpreh Zeka në A2.

Subscribe në YouTube: GAZETA INFOKUSI
Comodita po tërheq klientë seriozë në Panarin IMM, në Këln të Gjermanisë

Të tjera