Lajme

Zeka: Kurti e dorëzoi veriun, dikur kishte kontroll të pjesshëm, tash s’ka fare

Autori: Gazeta inFokus 23:31 | 07 December 2022

Gazetari Milaim Zeka e ka kritikuar kryeministrin e Kosovës, Albin Kurti për zbatim të politikave të gabuara për çështjen e veriut.

Ai ka thënë se Kurti e ka dorëzuar veriun.

Sipas tij, dikur kishte kontroll të pjesshëm në atë pjesë, e tash nuk ka fare.

“Ka pas kontroll të pjesshëm në atë pjesë, tash nuk ka fare. S’po them që e ka bërë me qëllim a pa qëllim, por ky e dorëzoi veriun e Kosovës”, ka thënë Zeka në “DPT te Fidani”.

Zeka ka thënë se me krijimin e kësaj situate në veri, Vuçiq ka krijuar avantazh.

“Po them që veriu i Kosovës është puro problem politik. Nuk zgjidhet me dhunë. Ia dhanë një kartë Vuçiqit që ta përdor në kombet e bashkuara, që të thotë se janë zhveshë mbi 600 policë”, ka thënë tutje gazetari.

Sipas tij, kur kryeminsitri Kurti nuk dëgjon SHBA-në dhe BE-në, humbet Kosova.

“Albin Kurti nuk duhet ta ndjekë logjikën e padëgjueshmërisë ndaj SHBA dhe BE. Saherë që ky nuk i dëgjon të huajt, Kosova humbë. Nuk është problem që humbë Albin Kurti, por humbë Kosova”, ka thënë ai në emision.

Ambasadori amerikan Hovenier vizitë në Devolli Corporation, lavdëron sukseset e Comoditas

Të tjera

Fokusi

lajme