Gazetari i njohur, Milaim Zeka, ka thënë se sot s’do të ndodh asgjë në Bruksel edhe me pjesëmarrjen e Escobarit.

Delegacionet e Kosovës dhe Serbisë këtë të mërkurë do të mbajnë takimin e tyre të radhës në Bruksel. Ish-deputeti dhe gazetari Milaim Zeka në një deklaratë për Infokusin tha se takimi në Bruksel do të jetë i thjeshtë dhe nuk do të bisedohet për tema të mëdha.

‘’Sot s’do të ndodh asgjë në Bruksel edhe me pjesëmarrjen e Escobarit. Janë takime thjeshtë për t’i marrë detyrat e shtëpisë nga ana e Qeverisë së Kosovës dhe asaj Serbe” Duke iu referuar deklaratave të Kurtit para marrjes së mandatit si kryeministër i Kosovës, i cili kishte thënë se nuk e ka prioritet çështjen e dialogut, Zeka e cilëson si gënjeshtrën më të madhe të thënë nga Kurti.

-Advertisement-

“Rrena më e madhe e Albin Kurtit ka qenë pika e dialogut. Për të cilën gjithmonë ka thënë që është pika e gjashtë e prioriteteve. Unë kam thënë gjithmonë që prioritet numër një i të gjitha pikave të Albin Kurtit është dialogu”, ka thënë Zeka.

Ish-deputeti thekson se situata e fundit në veri është krijuar qëllimisht nga Kurti në mënyrë për ta vënë në prioritet dialogun.

‘’Për të gjetë një shkas për ta vendos në prioritet numër një, krijoj këtë skandalin në veri sepse forcat speciale të polisicë së Kosovës kanë mundur të shkojnë në veri për t’i arrestuar rojet e urës apo kriminel me bollëk në veri, por askush në botë s’po e kupton se si ka mundësi me i dërgu forcat speciale për tabela?’’ thotë Zeka.

Në bisedë e sipër, Zeka tha se dialogu do ta rrëzoj qeverinë Kurti ashtu siç ka ndodhur me qeveritë e kaluara.

“Kjo do vie si shkak i mos bashkëpunimit me Brukselin dhe Ëashingtonin. Dialogu ka rrëzu shumë qeveri e lider të kaluar dhe veprimet e tij në veri dhe çështja e dialogut do ta rrëzoj edhe Albin Kurtin. Nëse nuk do i bindet “receptave” të Brukselit por edhe Ëashingtonit. Kurrë relacione më të këqija me ndërkombëtar sesa tash nuk kemi pas. Qarja me ndërkombëtar kanë fillu ashpër në qeverinë e PAN-it dhe pastaj i ka trash krejt këto konfrontime, Albin Kurti”, ka thënë Zeka për Infokus.

Takimi në Bruksel mes përfaqësuesve kosovarë dhe atyre serbë vjen pas tensionimit të situatës në veri të Kosovës dhe pas vendosjes së reciprocitet për targat serbe nga ana e Kosovës./Gazeta Infokus/

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-