Lajme

Zeka: Aktakuza ndaj Limajt u ngrit nga prokurorja Arnal bashkë me PDK-në

Autori: Gazeta inFokus 11:27 | 23 November 2017

Deputeti i NISMA për Kosovën, Milaim Zeka në fjalën e tij në seancën e sotme ka thënë se EULEX në bashkëpunim me PDK-në i kanë ngritur aktakuzë kryetarit të partisë së tij, Fatmir Limaj.

Duke komentuar vendimin e PDK-së për të lëshuar seancën në shenjë revolte ndaj deklaratave të EULEX-it për ish-ushtarët e UÇK-së, Zeka tha se nëse PDK dëshiron të vejë drejtësi në këtë vend, atëherë duhet të thërrasë seancë të jashtëzakonshme për të folur rreth krimeve të Prokurorisë së Kosovës dhe EULEX-it.“Krerët e PDK-së e kanë ditur mirë se Salustro ka qenë kryeprokuror në bashkëpunim me PDK-në dhe me Beogradin. Krerët e PDK-së e dinë se prokurorja e EULEX-it Isabel Arnal ka marrë vendim në Brezovicë në villë, në takim me krerët e PDK-së për t’ia ngritur aktakuzën kryetarit të Nismës Fatmir Limajt.

Nëse PDK dëshiron të vejë drejtësi në këtë vend atëherë duhet të thirrë seancë të jashtëzakonshme të flas për krimet e prokurorisë së Kosovës dhe për krimet e EULEX-it që janë duke bërë në Kosovë”, tha Zeka

-Advertisement-

Subscribe në YouTube: GAZETA INFOKUSI
Etiketa:

Të tjera

Fokusi

lajme