Lajme

Zëdhënësi i qeverisë i reagon Hotit: Me çka s’je i kënaqur?

Autori: Gazeta inFokus 15:08 | 18 January 2023

Deputeti i Lidhjes Demokratike të Kosovës, Avdullah Hoti, gjatë ditës ka kritikuar kreun e qeverisë, Albin Kurti, për paraqitjen e tij në Forumin Ekonomik Botëror që po mbahet në Davos të Zvicrës, shkruan Gazeta Infokus.

Hoti tha se thirrjet e Kurtit për investitorë dhe paralajmërimet për konflikt nuk shkojnë bashkë.

E në lidhje me deklaratën e Hotit, ka reaguar zëdhënësi i qeverisë, Përparim Kryeziu, duke e pyet atë se “me çka nuk është i kënaqur”.

-Advertisement-

Ai përmes një postimi në “Facebook” ia shtroi deputetit Hoti shtatë pyetje ku e nisi me atë se nuk është i kënaqur Hoti “me pjesëmarrjen e kryeministrit në Davos në mesin e shumë liderëve botërorë?”./Gazeta Infokus/

Më poshtë gjeni postim e plotë të zëdhënësit të qeverisë:

Më çka nuk është i kënaqur deputeti Hoti?
1) Me pjesëmarrjen e Kryeministrit Kurtin në Davos në mesin e shumë liderëve botërorë?
2) Me organizimin e konferencës për investitorë të huaj?
3) Me ftesën që po bën për investime të huaja në vend?
4) Me takimin me kryeministren e Finlandës, vend anëtar ky i BE-së, e cila së fundmi ka aplikuar në NATO, synim ky edhe i joni?
5) Me kërkesën për më shumë siguri për Kosovën përmes më shumë trupave të NATO-s në Kosovë? Siguria e shtuar për Kosovën është siguri edhe për investitorët
6) Me shpërfaqjen e Serbisë para opinionit ndërkombëtar, lidhjeve të saj me Rusinë dhe qëllimeve të përbashkëta për destabilizim të Rajonit?
7) Me faktin që Albin Kurti është kryeministër i Kosovës?

Subscribe në YouTube: GAZETA INFOKUSI
Lansohet aplikacioni më i ri i lojalitetit që sjell t’mira pafund Kartela Plus!
-Advertisement-

Të tjera