Lajme

Zëdhënësi i PDK-së: Krasniqi po vazhdon takimet në ShBA, do do s’kanë mujt me shku atje

Autori: Gazeta inFokus 15:40 | 19 November 2022

Zëdhënësi i Partisë Demokratike të Kosovës, Faton Abdullahu ka thënë se kryetari i këtij subjekti politik, Memli Krasniqi po vazhdon ende takimet në Shtetet e Bashkuara të Amerikës.

Ai ka ironizuar edhe me Qeverinë e Kosovës, duke përmendur shtyrjen e vizitave të disa ministrave.

“Do do të Qeverisë Kurti s’kanë mujt me shku atje, në të vërtetë nuk u është leju të shkojnë”, ka shkruar ai.

-Advertisement-

Ndërkaq, Krasniqi po vazhdon vizitën e tij në ShBA, ku e ka takuar edhe emisarin amerikan për Ballkanin Perëndimor, Gabriel Escobar.
Përveç tij, edhe kryetari i LDK-së, Lumir Abdixhiku po zhvillon një vizitë në ShBA, ku ka mbajtur takime në DASh, Kongres e Pentagon.

Mesazhi qendror i dy kryeopozitarëve nga këto vizita, ishte nevoja për bashkërëndim të hapave të Qeverisë së Kosovës, të udhëhequr nga kryeministri Albin Kurti, dhe Shteteve të Bashkuara.

Sipas tyre, Qeveria Kurti nuk duhet të rrezikojë marrëdhëniet me ShBA-në, të cilën e cilësuan aleat strategjikë të Kosovës.

Subscribe në YouTube: GAZETA INFOKUSI
Lansohet aplikacioni më i ri i lojalitetit që sjell t’mira pafund Kartela Plus!
-Advertisement-

Të tjera

Fokusi

lajme