Lajme

Zëdhënësi dhe ish-asamblisti i VV-së ftohen për intervistim nga PSRK-ja për rastin Pantiq

Autori: Gazeta inFokus 17:07 | 24 August 2023

Zëdhënësi i Lëvizjes Vetëvendosje, Arlind Manxhuka, dhe ish-asamblisti i kësaj partie në Prishtinë, Egzon Azemi, kanë bërë të ditur se kanë pranuar ftesë për intervistim nga Prokuroria Speciale.

Manxhuka e Azemi thanë se ftesa e Prokurorisë Speciale ka të bëjë në lidhje me reagimet e tyre me rastin e lirimit të serbit, Dejan Pantiq.

“Për nesër jam ftuar për intervistim nga Prokuroria Speciale, në lidhje me reagimin tim në rastin e lirimit të kriminelit/terrorist Dejan Pantiq. Detajet besoj do t’mi japë nesër prokurorja”, ka shkruar

-Advertisement-

Ndërsa, Azemi tha se nga postimi i tij “qenka ndjerë i kërcënuar ndonjë prokuror apo gjyqtar, edhe pse s’kishte lidhje me të”.

“Jam ftuar nesër në Prokurorinë Speciale, të merrem në pyetje kinse për reagimin tim në rastin e lirimit të kriminelit serb Dejan Pantiq. Nga një postim i imi demek qenka ndjerë i kërcënuar ndonjë prokuror apo gjyqtar. Dhe pse s’kishe lidhje më të. Unë nuk kërcënoj. As nuk nxis. Unë vetëm kam kërkuar dhe vazhdoj të kërkoj drejtësi. Të plotë. Jo selektive. Dhe njësoj do vazhdoj”, ka shkruar mes tjerash Azemi në Facebook.

Subscribe në YouTube: GAZETA INFOKUSI
Etiketa:
Risi në foleja.com! Prej 49.99€ bleni dyshekët Nouve Blanc dhe përfitoni transportin falas me DHL
-Advertisement-

Të tjera

Fokusi

lajme