Sport

Zbulohet sa e ka paguar Ronaldo nënën e fëmijëve të tij binjakë (FOTO)

Autori: Gazeta inFokus 17:34 | 08 July 2017
Cristiano Ronaldo gjatë muajit qershor u bë baba i dy binjakëve, një djali dhe një vajze.

Derisa ishte i grumbulluar me kombëtaren në Kupën e Konfederatave në Rusi, Ronaldos i erdhën në jetë dy fëmijë, Mateo dhe Eva.

Lindja e tyre në rrethana shumë të fshehta ka ngjallur kureshtjen e shumë njerëzve, që kërkojnë të njohin nënën e tyre.

Edhe pse diçka e tillë nuk është bërë e ditur nga Ronaldo, sikurse në lindjen e fëmijës së parë Ronaldo Junior në vitin 2010, ‘DailyMail’ ka arritur të sigurojë dokumente ku mësohet se katër herë fituesi i Topit të Artë e ka paguar një agjenci amerikane deri në 140 mijë euro, për t’i gjetur një nënë zëvendësuese, që do t’ia lindte fëmijët.

-Advertisement-

Tutje ‘DailyMail’ shkruan se Eva dhe Mateo kanë lindur në spitalin e La Mesa, një qytet i vogël jo shumë larg San Diegos.

Një avokat për gazetën ka bërë të ditur se agjencitë për raste të tillë kërkojnë deri në 140 mijë euro, dhe 40 mijë euro i takojnë nënës së fëmijëve.

Ronaldo është në lidhje me Georgina Rodriguez. Disa media kanë raportuar se ajo është shtatzënë, por ky lajm ende nuk është konfirmuar.

Subscribe në YouTube: GAZETA INFOKUSI

Të tjera

Fokusi

sport