Sport

Zbulohet formacioni i Gjermanisë ndaj Suedisë

Autori: Gazeta inFokus 18:26 | 23 June 2018

Gjermania e humbi befasisht ndeshjen e parë në grup ndaj Meksikës dhe tashmë duhet medoemos të fitojë dy ndeshjet e mbetura, ndaj Suedisë dhe Koresë Jugore, për të siguruar kualifikimin për në raundin tjetër të Botërorit.

Në ndeshjen ndaj Meksikës, panzerët patën probleme me disa lojtarë individualë të cilët nuk luajtën siç pritej nga ta.

Më të kritikuarit ishin Mesut Ozil, Sami Khedira e Timo Werner, gjë që mund të detyrojë trajnerin Joachim Low që të bëjë ndryshime për ndeshjen e sotme.

-Advertisement-

Siç raporton gazeta gjermane Bild, në formacion nga fillimi pritet të futet sulmuesi me përvojë Mario Gomez, i cili pritet të luajë në sulm bashkë me Timo Werner.

Në mesfushë, pritet të jenë Kroos, Ozil, Gundogan/Reus dhe Muller, ndërsa në mbrojtje do të luajnë Kimmich, Boateng, Hummels dhe Hector me Neuerin në portë.

Subscribe në YouTube: GAZETA INFOKUSI