Lajme

Zbulohet drogë në Tepelenë, dy persona në pranga

Autori: Gazeta inFokus 11:32 | 01 September 2017

Goditen dy raste të prodhimit dhe shitjes së lëndës narkotike në Tepelenë, duke vënë në pranga dy persona.

Gjatë pasdites së djeshme u kurorëzua operacioni policor i koduar “Lekli”.

Mbi bazën e informacioneve të marra në rrugë policore se Hajri Pushi dispononte lëndë narkotike në banesën e tij në fshatin Lekël, Tepelenë u ushtrua kontroll.

-Advertisement-

Nga kontrolli i ushtruar në këtë banesë, në një godinë që përdorej për të mbajtur vegla pune, në një ambient të përshtatur u gjetën dy bidona plastik, brenda të cilëve kishte lëndë narkotike.

Pesha totale e lëndës narkotike rezultoi 31 kilogramë e cila u sekuestrua në cilësinë e provës materiale.

Kjo çoi në arrestimin e Hajri Pushi, 58 vjeç, banues në fshatin Lekël, për veprën penale “Prodhim dhe shitje e lëndëve narkotike”.

Gjithashtu po dje u arrestua Muhamet Kika, 58 vjeç, banues në fshatin Arrëz e Vogël, Memaliaj.

Arrestimi i tij shtetasi u bë pasi nga kontrolli i ushtruar nga shërbimet e policisë, në banesën e tij në fshatin Arrëz e Vogël, Memaliaj, në tavanin e shtëpisë iu gjet një thes me ngjyrë të zezë, brenda të cilit kishte lëndë narkotike.

Pesha totale e lëndës ishte 5 kilogramë kanabis sativa, e cila u sekuestrua në cilësinë e provës materiale.

Ndaj të dyja rasteve materialet iu referuan Prokurorisë së Gjirokastrës për veprime të mëtejshme.

Subscribe në YouTube: GAZETA INFOKUSI