Lajme

Zbulohet arsenal armësh në Elbasan

Autori: Gazeta inFokus 10:27 | 29 January 2022

Arsenal armësh është zbuluar në një banesë në qytetin e Elbasanit në lagjen “Visarion Xhuvani”. Armët janë gjetur në shtëpinë e 44-vjeçarit me iniciale G.P., i cili u arrestua në flagrancë.

Konkretisht, policia sekuestroi një armë zjarri kallashnikov, një pushkë sportive me dylbi, rreth 500 copë fishekë luftarak për pistoletë, kallashnikov e mitraloz, një përforcues grushti, një thikë dhe 7 karikatorë.

Provat e mësipërme janë dërguar në Institutin e Policisë Shkencore në Tiranë për t’u ekzaminuar nëse janë përdorur në ngjarje të tjera kriminale.

Gjithashtu po vazhdon puna për dokumentimin e mëtejshëm ligjor të kësaj ngjarje dhe të aktivitetit kriminal të këtij shtetasi nëse është i implikuar në ngjarje kriminale të ndodhura më parë.

Materialet i kaluan për veprime të mëtejshme hetimore Prokurorisë pranë Rrethit Gjyqësor Elbasan për veprat penale “Mbajtja pa leje dhe prodhimi i armëve, armëve shpërthyese dhe i municionit” dhe “Prodhimi, mbajtja, blerja apo shitja pa leje e armëve të ftohta”. /tvklan.al

Të tjera

Fokusi

lajme