Një rast i tmerrshëm ka ndodhur mëngjesin e sotëm në Pejë, ku Edmond Lajçi vrau bashkëshorten 43 vjeçare, nënën e tre fëmijëve.

Ekipi i Gazetës Infokus është duke qëndruar në vendin e ngjarjes derisa ekipi ka mësuar detaje tronditëse, ku sipas burimeve brenda prokurorisë, tre fëmijët e çiftit kanë qenë në banesë në momentin kur ka ndodhur vrasja.

Nuk dihet ende nëse fëmijët kanë qenë apo jo në të njëjtën dhomë apo se e a e kanë parë këtë ngjarje të tmerrshme të vrasjes së nënës së tyre.

-Advertisement-

Sipas këtij burimi të mirinformuar vrasja ka ndodhur derisa cifti ishin duke pirë kafëen e mëngjesit rreth orës 08:15.

Edhe zëdhënësi i Prokurorisë, Shkodran Nikqi ka folur për Infokus rreth rastit  i cili tha se për fat të keq opinioni shqiptar është tronditur me këtë vrasje të rëndë.

“Për fat të keq, edhe sot mbarë opinioni shqiptar është tronditur me vrasje të rëndë, ku për fat të keq, edhe kësaj radhe është një viktimë grua e privuar nga jeta  nga bashkëshorti i saj, me armë zjarri. Me të pranuar informatën, si prokurori  kemi ardhë menjëherë  në vendin e ngjarjes ku ka ardhë kryeprokurori i prokurorisë themelore n Peje, Agim Kurmehaj, kujdestari i departamentit për krime të rënda Ersan Çavolli dhe të gjitha njësitë relevante policore”.

Ai gjithashtu tha se Policia e Kosovës, do të punojë edhe në autorizime shtesë, për të marë më shumë detaje nga rasti.

“Në vendin e ngjarjes janë kryer të gjitha ekzaminimet e nevojshme, ndërkaq trupi i pajetë i viktimës është tërhequr nga mjeku ligjor me urdhër të prokurorit të shtetit për t’iu bërë obdukimi, kurse personi i dyshuar është  vet dorëzuar në stacionin policor, i është sekuestruar arma e zjarrit me të cilën dyshohet se është kryer vepra penale, dhe njëkohësisht është ndaluar për 48 orë me urdhrin e prokurorit të shtetit, dhe brenda afatit ligjor prokurori i shtetit do të parashtrojë kërkesë për caktimin e masës së paraburgimit në departamentin e krimeve të rëndë, në gjykatën themelore në Pejë. Gjithashtu policia do të punon edhe në autorizime shtesë, që të kryhen veprime hetimore për shkak se duhet sqaruar të gjitha rrethanat, e këtij rasti që ka tronditur mbarë popullin shqiptar”.

Infokusi është duke e përcjellë rastin nga vendi i ngjarjes, dhe do të ju njoftojë për detaje shtesë./Gazeta Infokus/

Pamjet e fundit nga banesa ku Edmond Lajçi v*au mizorisht bashkëshorten në Pejë

 

 

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-