Lajme

Zbulohen detaje tjera, nga kjo komunë është polici që u plagos mbrëmë nga banditët serbë

Autori: Gazeta inFokus 11:26 | 09 December 2022

Polici i plagosur mbrëmë nga arma e zjarri të banditëve serbë në Zveçan është nga komuna e Ferizajt. Ai është një 40 vjeçar. Kështu ka konfirmuar për Gazetën Insajder drejtoresha e Spitalit në Mitrovicë, Luljea Zhubi.

Ajo konfirmoi se policit nuk i është larguar plumbi nga shpatulla në Spitalin e Mitrovicës.

Drejtoresha e Spitalit të Përgjithshëm “Dr.Sami Haxhibeqiri” në Mitrovicë, Luljeta Zhubi, ka dhënë detaje rreth gjendjes së policit, i cili u plagos mbrëmë në Zveçan.

-Advertisement-

Zhubi tha se gjendja e tij është stabile, derisa tregoi se është dërguar në Qendrën Klinike dhe Universitare të Kosovës.

Ajo tregoi se polici i plagosur është i moshës 40-vjeçare dhe se vjen nga Ferizaj.

“Zyrtari policor është pranuar në ora 1:40 në Spital. Është nis rreth ors 08:20 për në QKUK. Gjendjen e ka stabile. Është i plagosur me një plumb rreth zonës së krahërorit. Është nga Ferizaj dhe është i moshës 40-vjeçare”, ka deklaruar Zhubi për T7.

Ndryshe, Policia e Kosovës ka njoftuar se mbrëmë rreh orës 23:00, në fshatin Serbovc, Komuna e Zveçanit, Njësitet policore deri sa kanë qenë në detyra të rregullta, në patrullim, janë sulmuar nga persona të armatosur me armë të gjata, nga një automjet i tipit Audi, ngjyrë hiri, me targa KM.

Si pasojë e këtij incidenti, Policia tha sen një pjëstar i saj është lënduar lehtë.

“Sot me datë 08.12.2022, rreth orës 23:00, në fshatin Serbovc, Komuna e Zveçanit, Njësitet policore deri sa kanë qenë në detyra të rregullta, në patrullim, janë sulmuar nga persona të armatosur me armë të gjata, nga një automjet i tipit Audi, ngjyrë hiri, me targa KM.

Si pasoj e incidentit, një pjesëtarë i Policisë së Kosovës është lënduar lehtë dhe janë shkaktuar dëme të konsiderueshme materiale në veturën e policisë. Njësitet relevante policore kanë dalë në vendngjarje, për të kryer hetimet, kurse zyrtari policor i lënduar është transportuar në QKMF për ofrimin e ndihmës mjekësore”, thuhet në njoftimin e Policisë.

Subscribe në YouTube: GAZETA INFOKUSI
Udhëtoni drejt Berlinit me PrishtinaTicket me çmime speciale!
-Advertisement-

Të tjera

Fokusi

lajme