Lajme

Zake Prelvukaj: Është momenti i fundit që të ecim përpara (Video)

Autori: Gazeta inFokus 19:57 | 10 February 2018

Piktorja kosovare, Zake Prelvukaj, ka uruar për 10-vjetorin e pavarësisë, ndërsa ka kërkuar më shumë punë nga të gjithë.

E rrethuar me një ambient pune, para pikturave që rrëfejnë për vuajtjet e popullit shqiptar në rrugën për liri dhe pavarësi, Prelvukaj fton për më shumë dashuri dhe punë për shtetin e Kosovës.

“Urime dekada e parë e shtetit tonë të ri. Më duket që ne e duam shumë shtetin tonë, shumica po mendoj. E duan shumë edhe njerëz që kanë kompetenca të mëdha për këtë shtet, por po më duket se janë disa që nuk dinë që po dëmtojnë”.

-Advertisement-

Prelvukaj thotë se ky është momenti i fundit që vendi të ecë përpara.

“Shteti ynë natyrisht që ka nevojë për njerëz që na çojnë përpara, shumë të nevojshëm për kohën. Është momenti i fundit që të ecim përpara”.

“Mesazhi im është që të investohet në njerëz të rinj. Sot është një kohë digjitale, edhe është shumë e nevojshme. Kemi shumë nevojë në këtë investim”, thotë Prelvukaj.

Linku i videomesazhit:

Subscribe në YouTube: GAZETA INFOKUSI

Të tjera

Fokusi

lajme